مىڭنان اسا جۇرگىزۋشى جاۋاپقا تارتىلدى

ناقتىراق ايتساق, ءۇش كۇن­­­نىڭ ىشىندە ىشىمدىك ءىشىپ, كولىك باسقارۋدىڭ 24 فاك­تىسى بەل­گىلى بولدى. كەيبىر ءتار­تىپ بۇزۋشىلار ءوز كىناسىن مويىن­داسا, ەندى ءبىرى جاۋاپ­كە­ر­شى­لىكتەن قۇتىلۋعا تىرىس­قان. ولار ءوز ءومىرىن عانا ەمەس, وزگە­نىڭ ومىرىنە دە قاۋىپ توندى­رە­تى­نىن ەسكەرسەك, زاڭدى قالاي كۇ­شەيتسە دە ورىندى.

ماس كۇيدە كولىك قۇرال­دارىن باسقارعان جۇر­گى­زۋ­شىلەر اكىمشىلىك جاۋاپ­­كەرشىلىككە تارتىلدى. پولي­تسيا قىزمەتكەرلەرىنىڭ اي­تۋىنشا, ولاردى جۇرگىزۋشى كۋالىگىنەن 7 جىلعا دەيىن ­ايىرۋ, سونداي-اق 15 تاۋلىككە دەيىنگى مەرزىمگە اكىمشىلىك قاماۋعا الۋ جازاسى كۇتىپ تۇر.

تەكسەرىلگەن جۇرگىزۋشىلەر ارا­­سىندا ءۇش ازامات بۇرىن وسىن­داي قۇقىق بۇزۋ­شى­لىق جاساعانى ءۇشىن جا­ۋاپ­­قا تارتىلعان دا ەكەن. ەن­دىگى جاعدايدا ولار قىلمىس­تىق جاۋاپ­كەرشىلىككە تار­تىلا­دى. بۇل رەتتە 5 جىلعا دەيىن باس بوستاندىعىنان ايىرۋ جازاسى كەسىلۋى مۇمكىن.

ستاتيستيكالىق دەرەكتەرگە ۇڭىلسەك, جىل باسىنان بەرى ءتارتىپ ساقشىلارى ماس كۇيدە كولىك جۇرگىزگەن مىڭنان اسا جۇرگىزۋشىنى توقتاتىپ, زاڭعا تارتقان.

شقو پد ماس كۇيدە كولىك جۇر­گىزۋ جۇرگىزۋشىلەردىڭ وزدەرىنىڭ عانا ەمەس, جول قوز­عالىسىنىڭ باسقا دا قا­تى­سۋ­شىلارىنىڭ ءومىرى مەن دەنساۋلىعىنا قاۋىپ تون­دىرەتىنىن تاعى ءبىر مارتە ەس­كەرتتى. بارلىق جۇرگىزۋ­شىنى ەرە­جەنى قاتاڭ ساقتاۋعا جانە جول­داردا قاۋىپسىز­دىك­تى ­قام­تا­ما­سىز ەتۋگە شا­قىردى. سون­داي-اق ازاماتتار دا جولداردا قاۋىپ­سىز­دىكتى قامتاماسىز ەتۋ ءۇشىن وسىنداي جاعدايلار تۋرالى پوليتسياعا حابارلاۋ كەرەكتىگىن ەسكە سالدى.

شىعىس قازاقستان وبلىسى