فوتو: ا.بايجۇمانوۆ
قۇجات ەكونوميكالىق ءوسۋ قارقىنى مەن بولجامدى كورسەتكىشتەردىڭ وزگەرىسىنە وراي 2024 جىلعى بيۋدجەتتى تۇزەتۋگە باعىتتالعان. قۇجاتتىڭ نەگىزگى مىندەتتەرى - وڭىرلىك ءوسۋدى قولداۋ, شۇعىل شىعىنداردى قارجىلاندىرۋ جانە بيۋدجەت كورسەتكىشتەرىن اعىمداعى ەكونوميكالىق جاعدايعا سايكەس كەلتىرۋ.
دەپۋتاتتاردىڭ ايتۋىنشا, زاڭعا ەنگىزىلگەن نەگىزگى وزگەرىستەر مۇناي ءوندىرىسىنىڭ تومەندەۋىنە, سىرتقى ساۋدا كولەمىنىڭ ازايۋىنا جانە 2023 جىلعى ققس قايتارىلۋىنا بايلانىستى سالىق تۇسىمدەرىنىڭ قىسقارۋىنا بايلانىستى بولىپ وتىر. ۇلتتىق قوردان وتەماقىعا بولىنەتىن نىسانالى ترانسفەرتتەر دە ۇلعايادى. بۇل قارجى وڭىرلەردى قولداۋ مەن مەملەكەتتىك قارىزعا قىزمەت كورسەتۋ جانە وتكەن جىلعى تىركەلگەن مىندەتتەمەلەردى قارجىلاندىرۋعا باعىتتالادى.
