فوتو: ۆەدومستۆو. تەلەگرام
نيدەرلاندىنىڭ قازاقستانداعى توتەنشە جانە وكىلەتتى ەلشىسى نيكو سحەرمەرس سۋ تاسقىنىن بولجاۋ جانە الدىن الۋ ماسەلەسىندە قازاقستان مەن نيدەرلاندىنىڭ ىنتىماقتاستىعىنا جەكە توقتالدى.
«نيدەرلاند ساراپشىلارىنىڭ ايتۋىنشا, مينيسترلىك بيىل ۇلكەن جۇمىس اتقاردى. كوپتەگەن ەسەپتەۋلەردى قولمەن جاساۋ كەرەك بولسا دا, ناتيجەلەرى وتە ءدال كەلدى. مەنىڭ ويىمشا, ءبىزدىڭ ەلدەرىمىز بىرلەسىپ شەشۋى كەرەك باستى ماسەلە – ۇلكەن اۋماقتاردا ەسەپتەۋلەر جۇرگىزۋ. كليماتتىڭ وزگەرۋىنە بايلانىستى ءبىز جاڭا سىن-قاتەرلەرگە تاپ بولدىق. وسى مىندەتتەردى شەشۋ ءۇشىن نيدەرلاندى تاراپى مينيسترلىكپەن بىرلەسىپ جۇمىس ىستەۋگە دايىن. سالا مينيسترلىگى وتە ۇلكەن جۇمىس ىستەپ جاتىر دەپ سانايمىن. قازاقستاندا كوپتەگەن دونورلىق ۇيىمدار جۇمىس ىستەيدى. سول سەبەپتى ۇيلەستىرۋ كەڭەسىن قۇرۋ مينيسترلىكتىڭ حالىقارالىق قوعامداستىقتىڭ كۇش-جىگەرىن بىرىكتىرۋ مەن ۇيلەستىرۋدى بايىپتى قابىلداعانىن كورسەتەدى. بۇل وتە ماڭىزدى», دەدى نيكو سحەرمەرس.
ۆەدومستۆونىڭ ءباسپاسوز قىزمەتى ءمالىم ەتكەندەي, وسىعان دەيىن سۋ رەسۋرستارى جانە يرريگاتسيا مينيسترلىگى مەن دەلفت سۋ ءبىلىم بەرۋ ينستيتۋتى (IHE Delft) اراسىنداعى مەموراندۋم شەڭبەرىندە نيدەرلاندى ساراپشىلارى استانادا سۋ تاسقىنى تاۋەكەلدەرىن باسقارۋ بويىنشا ەكى مارتە سەمينار وتكىزدى.
ەسكە سالايىق, قازاقستاننىڭ سۋ سەكتورىن دامىتۋ جونىندەگى ۇيلەستىرۋ كەڭەسىنىڭ قۇرامىنا بۇۇ, حالىقارالىق ۇيىمداردىڭ جانە قارجى ينستيتۋتتارىنىڭ وكىلدەرى, سونداي-اق شەتەلدىك دامۋ اگەنتتىكتەرىنىڭ, ديپلوماتيالىق كورپۋس پەن بيزنەس وكىلدەرى كىرەدى.
