فوتو: azh.kz
«اقىلدى كوزىلدىرىك» مۇمكىندىگى شەكتەۋلى ازاماتتارعا ارنالعان. ول RikaAI جاساندى ينتەللەكتى نەگىزىندە جاسالعان. ارنايى كوزىلدىرىك قۇلاققاپ ارقىلى ChatGPT نەمەسە Wikipedia سەكىلدى دىبىستىق سۇراقتارعا جاۋاپ بەرەدى.
ءماتىندى سكانەرلەۋ جانە وقۋ ارقىلى كۇندەلىكتى تاپسىرمالاردى جەڭىلدەتىپ, كورۋ قابىلەتى شەكتەۋلى ادامداردى قۇلاۋدان قورعاۋ ءۇشىن كەدەرگىلەردى انىقتايدى. تۇلعانىڭ كەز كەلگەن ورتانى تانىپ, ىڭعايلانۋى ءۇشىن اينالاسىن سيپاتتايدى.
حايدار اتاعۇللا مەن قايىرحان لۇقپانوۆتىڭ وسى جوباسى بۇعان دەيىن Jasscience-2024 بايقاۋىندا جەڭىسكە جەتكەن. وسىلايشا حايدار اتاعۇللا كەز كەلگەن ۋنيۆەرسيتەتتە تەگىن وقۋ مۇمكىندىگىنە يە بولعان.
