ۆلاديمير پۋتين ەكى ەلدىڭ وڭىرىلەرى ءوزارا ءتيىمدى كووپەراتسيانى نىعايتۋعا ەلەۋلى ۇلەس قوسىپ جاتقانىن تىلگە تيەك ەتىپ, رەسەيدىڭ بارلىق دەرلىك سۋبەكتىلەرى قازاقستاندىق سەرىكتەستەرمەن تىعىز بايلانىس ورناتقانىن جەتكىزدى. سونىڭ ناتيجەسىندە ەنەرگەتيكا, ونەركاسىپ, كولىك جانە جوعارى تەحنولوگيالار سالاسىنداعى اۋقىمدى جوبالار جۇزەگە اسىپ جاتقانىن اتاپ ءوتتى.
«وسى كۇندەرى ۋفا قالاسىندا 20-شى ايماقارالىق ىنتىماقتاستىق فورۋمى ءوتىپ جاتىر. وعان ءداستۇر بويىنشا بيلىك ورگاندارىنىڭ باسشىلارى, زاڭ شىعارۋشىلار, مينيسترلىكتەر مەن ۆەدومستۆولار, بيزنەس, عىلىم جانە قوعامدىق توپتاردىڭ وكىلدەرى, ياعني ەكىجاقتى قاتىناستاردى دامىتۋدىڭ قولدانبالى ماسەلەلەرىمەن اينالىساتىن بارلىق مامان جينالدى. قاسىم-جومارت كەمەل ۇلى ەكەۋمىز فورۋمعا قاتىسۋشىلارعا بەينەبايلانىس ارقىلى حابارلاسۋدى جوسپارلاپ وتىرمىز», دەپ جازدى ۆلاديمير پۋتين.
بۇدان باسقا, رەسەي پرەزيدەنتى وڭىرارالىق جانە شەكاراارالىق ءوزارا ءىس-قيمىلدىڭ اۋقىمدى باعدارلاماسى دايىندالعانىن جازدى. وعان ەكى ەلدىڭ الەۋمەتتىك-ەكونوميكالىق تۇرعىدا قارقىندى دامۋى ءۇشىن, سونداي-اق ادامداردىڭ ءومىر ءسۇرۋ ساپاسىن ارتتىرۋ ءۇشىن قولايلى جاعدايلار جاساۋعا باعىتتالعان 150-گە جۋىق بىرلەسكەن ءىس-شارالار مەن جوبالار ەنگىزىلگەن.
