فوتو: قما
قارجى مونيتورينگى اگەنتتىگىنىڭ حابارلاۋىنشا, قىزمەتتىك-ىزدەستىرۋ ءيتىن قولدانا وتىرىپ, تەكسەرۋ جۇرگىزۋ كەزىندە كەدەندىك باقىلاۋ ايماعىنداعى ۋاقىتشا ساقتاۋ قويماسىندا جالپى سالماعى شامامەن 1 كگ بولاتىن «گاشيش» ەسىرتكى زاتى تابىلدى.
سونىمەن قاتار, سوتقا دەيىنگى تەرگەۋ بارىسىندا جۇرگىزىلگەن مونيتورينگ ناتيجەلەرى «قازپوشتا» اق قالالىق فيليالدارىنىڭ بىرىندە سول الۋشىلاردىڭ اتىنا تاعى ءبىر سالەمدەمەنىڭ بار ەكەندىگىن كورسەتتى.
«سالەمدەمەدە جالپى سالماعى 7 گرامنان اساتىن كۇشتى پسيحوتروپتى زات – تەتراگيدروكاننابينول جانە ونىڭ يزومەرلەرى تابىلدى. ايىپتالۋشىلاردىڭ ءبىرىنىڭ پاتەرىن ءتىنتۋ كەزىندە ەسىرتكى قۇرالدارى, سونداي-اق وراۋىش ماتەريالدار مەن تارازى تابىلدى», دەلىنگەن حابارلامادا.
سوت شەشىمىمەن ءىستىڭ ەكى قاتىسۋشىسى كىنالى دەپ تانىلىپ, ورتاشا قاۋىپسىزدىك كولونياسىندا جازاسىن وتەي وتىرىپ, 8 جانە 18 جىل مەرزىمگە باس بوستاندىعىنان ايىرىلدى.
ايتا كەتەيىك, جىل باسىنان بەرى ەسىرتكى كونترابانداسى جانە زاڭسىز اينالىمى فاكتىلەرى بويىنشا 116 قىلمىستىق ءىس تىركەلىپ, 57,3 كگ ەسىرتكى تاركىلەندى. سونىمەن قاتار, 1,7 كگ پسيحوتروپتىق زاتتار, 206 مىڭ دانا انابوليكتەر (ۋلى زات), جانە 1 680 دانا «تروپيكاميد» كوز تامشىلارى تاركىلەندى.
