جەكەلەي سىندى زارينا دياس باستاپ, دا ەن باكتان باسىم ءتۇستى. ۇزاق ۋاقىت ۇزىلىستەن كەيىن كورتقا ورالعان زارينا الەمدىك رەيتينگتە 383-ساتىدا تۇر. ال قارسىلاسى 314-ورىندا. وزىنەن 11 جاس كىشى قارسىلاسىن جەرلەسىمىز ءۇش پارتيادا ەڭسەردى, ەسەپ – 3:6, 6:3 7:6. ەكىنشى ويىندا ەلىمىزدىڭ ءبىرىنشى, الەمنىڭ التىنشى راكەتكاسى ەلەنا رىباكينا سون حەن پاكتى ەركىن ۇتتى: 6:2, 6:2.
جارىستىڭ ەكىنشى كۇنى ءبىرىنشى بولىپ الاڭعا شىققان جەرلەسىمىز, دۇنيەجۇزىلىك رەيتينگتە 29-ساتىدا تۇرعان يۋليا پۋتينتسەۆا دا كۋ ەن ۆۋدى ەكى سەتتە جەڭدى: 7:5, 6:4. ءسويتىپ, جەكەلەي سىننىڭ جوسپارلى كەزدەسۋلەرىنىڭ سوڭعىسى قاجەت بولماي قالدى. جۇپتىق سايىستا جىبەك قۇلامباەۆا مەن اننا دانيلينا كيم دابين – كۋ ەن ۆۋ جۇبىنا ەسە جىبەردى. بىراق بۇل جەڭىلىس ەشتەڭە شەشپەيتىن ەدى. ايەلدەر قۇراماسى جەكەلەي سىنداعى جەڭىسىمەن-اق الەم كۋبوگىنىڭ ىرىكتەۋ كەزەڭىنە جولداما الدى. كوماندالىق الەم چەمپيوناتىنىڭ ىرىكتەۋ كەزەڭى 2025 جىلدىڭ ءساۋىر ايىندا وتەدى.
كىمدەرگە سەنىم ارتامىز؟
كەلەسى جىلى قىتايدا قىسقى ازيا ويىندارى وتەدى. سپورتشىلارىمىزدىڭ قىسقى الامانعا ازىرلىگى ورتالىق كوممۋنيكاتسيالار قىزمەتىندە ايتىلدى.
ءباسپاسوز ءماسليحاتىنا تۋريزم جانە سپورت مينيسترلىگى سپورت جانە دەنەشىنىقتىرۋ ىستەرى كوميتەتى توراعاسىنىڭ ورىنباسارى ازامات يماشەۆ, وسى كوميتەتكە قاراستى سپورتتى دامىتۋ ديرەكتسياسى ديرەكتورىنىڭ ورىنباسارى ازامات حامزين, ۇلتتىق وليمپيادا كوميتەتىنىڭ رەسمي وكىلى جىگەر ازبەرگەن قاتىسىپ, سپورتشىلاردىڭ دايىندىعىنان قۇلاعدار ەتتى.
ءىح قىسقى ازيا ويىندارى 2025 جىلدىڭ 7-14 اقپانى ارالىعىندا حاربين قالاسىندا وتەدى. وسى شاھاردا كونكي, شايبالى حوككەي, كەرلينگ سايىستارى ۇيىمداستىرىلسا, يابۋري قالاسىندا شاڭعى سپورتى, بياتلون, شاڭعى الپينيزمىنەن سپورتشىلار سىنعا تۇسپەك. قۇرلىق دوداسىنا 32 ەلدەن ءبىر مىڭنان استام سپورتشى قاتىسادى دەپ جوسپارلانىپ وتىر. بىرنەشە سپورت تۇرىنەن 196 مەدال جيىنتىعى ساراپقا سالىنادى.
قىتايدىڭ حاربين قالاسى قىسقى ازيا ويىندارىن ەكىنشى مارتە قابىلداماق. 1996 جىلى وسى شاھاردا وتكەن قىسقى ازيادا دوداسىندا ءبىزدىڭ سپورتشىلار 14 التىن, 9 كۇمىس, 8 قولا ولجالاپ, جالپى ەسەپتە ەكىنشى ساتىعا تۇراقتاعان ەدى. ال سوڭعى قىسقى ازيا ويىندارىن 2017 جىلى جاپونيا ەلى وتكىزگەندە 9 التىن, 11 كۇمىس, 12 قولا مەدالمەن ورالعان بولاتىن.
«حاربيندەگى قۇرلىق تارتىسىنا 6 سپورت تۇرىنەن 139 (71 ەر, 68 ايەل) سپورتشىمىز قاتىسادى. بياتلوننان – 10, كەرلينگتەن – 12, كونكيمەن جۇگىرۋدەن – 20, مانەرلەپ سىرعاناۋدان – 4, شورت ترەك, شاڭعى جارىسىنان – 12, تاۋ شاڭعىسىنان, الپينيزم سپورتىنان – 8, فريستايل اكروباتيكادان 7 ساڭلاققا سەنىم ارتىلماق. شايبالى حوككەيدەن ەرلەر مەن ايەلدەر قۇراماسى دا ءۇمىتتى اقتايدى دەپ سەنەمىز», دەدى ازامات يماشەۆ.
كوميتەت توراعاسىنىڭ ورىنباسارى بياتلوننان اسەت دۇيسەنوۆ, الەكساندر موكين, ۆاديم كۋرالەس, الينا كريۋكوۆا, شاڭعى سپورتىنان ولجاس كليمين, كونستانتين بورتسوۆ, نيكيتا گريدين, كسەنيا شالىگينا, كونكيمەن جۇگىرۋدەن نۇرالى اقجول, التاي جاردەمبەك ۇلى, نادەجدا موروزوۆا, شورت ترەكتەن ابزال اجعاليەۆ, دەنيس نيكيشا, مادينا جانبوسىنوۆا, ماليكا ەرمەك, الينا اجعاليەۆا, يانا حان, فريستايل اكروباتيكادان اردانا ماحانوۆا, ايانا جولداس, رومان يۆانوۆ, شەرزود شاعىرباەۆ سىندى ساڭلاقتارعا زور سەنىم ارتىلاتىنىن اتاپ ءوتتى. سپورتشىلاردىڭ وقۋ-جاتتىعۋ جيىنىن وتكىزۋىنە مەملەكەت تاراپىنان قارجىلاي قولداۋ كورسەتىلىپ, بارلىق جاعداي جاسالعانىن جەتكىزدى.
ەرەكشە بالالارعا تارتۋ
ەلىمىزدە اۋتيزمگە شالدىققان بالالار تۇڭعىش رەت ۆەلوسپورتپەن شۇعىلدانۋعا مۇمكىندىك الدى. يگى باستاما «سامۇرىق-قازىنا» اق-نىڭ قولداۋىمەن «ۆەلوسپورت – بارشاعا» جوباسى اياسىندا جۇزەگە استى.
قوردىڭ قارجىلاي قولداۋىمەن 30 بالاعا ۆەلوسپورتپەن جۇيەلى شۇعىلدانۋىنا جاعداي جاسالدى. استانا قالاسىنداعى «سارىارقا» ۆەلوترەگىندە ەرەكشە بالالار قور باسشىلارىمەن بىرلەسكەن جاتتىعۋ وتكىزدى. «سامۇرىق-قازىنا»اق باسقارما توراعاسى نۇرلان جاقىپوۆ ۆەلوسپورتتى جاڭا باستاعان جەتكىنشەكتەر اراسىندا حالىقارالىق سايىسقا قاتىسىپ, جۇلدەمەن ورالعان تالاپتى بالالاردىڭ بار ەكەنىن اتاپ ءوتتى. سونىمەن قاتار قور مۇنداي الەۋمەتتىك جوبالاردى ۇنەمى قولداپ, ەرەكشە بالالارعا ارقاشان قامقورلىق تانىتاتىنىن جەتكىزدى. ەرەكشە بالالارعا «Velolegend» قورىنىڭ جەتەكشىسى ماحاببات وتەگەنوۆا ۆەلوسپورتپەن شۇعىلدانۋ ارقىلى ءاۋتيزمى بار بالالاردىڭ كۇش-قۋاتى مەن توزىمدىلىگىن, ەموتسيونالدىق كوڭىل-كۇيىن جاقسارتۋعا كۇش سالاتىنىن ايتتى. ء«بىز بالالاردى جاتتىعۋدا شىڭداپ, حالىقارالىق سايىستارعا قوسامىز», دەدى. جاتتىعۋ سوڭىندا قور باسشىسى ەرەكشە بالالارعا 30 ۆەلوسپورت پەن اۆتوبۋستى سىيعا تارتتى.
