بۇل قۋانىشتى جاڭالىقتى فيلم ۇجىمى Instagram پاراقشاسىندا جازعان.
«اۋىل ءومىرى كوپتەگەن قيىندىق پەن اۋىر ەڭبەكتەن تۇرادى. جاس ەرەكشەلىگىنە قاراماستان, ەر بالالار كىشكەنتايىنان شارۋاشىلىققا ەرەسەكتەرمەن بىرگە ارالاسادى. ءفيلمنىڭ باس كەيىپكەرى ەرسۇلتان اجەسىمەن بىرگە تۇرىپ, وسىنداي ءومىردىڭ اۋىرتپاشىلىعىن سەزىندى. بىراق ونىڭ الەمى اجەسىنىڭ قايتىس بولۋىمەن مۇلدەم وزگەرەدى», دەپ جازىلعان فيلم سيپاتتاماسىندا.
ماراپاتتاۋ ءراسىمى 2025 جىلدىڭ 2 ناۋرىزىندا لوس-اندجەلەستە وتەدى. بۇعان دەيىن, اقپاننىڭ 11-18 ارالىعىندا وتەتىن ءۇشىنشى ىرىكتەۋ كەزەڭىندە ءار نوميناتسيانىڭ فيناليستەرى انىقتالادى.
ەگەر «باۋىرىنا سالۋ» ۇزدىكتەر قاتارىنا ەنسە, قازاقستان تاريحىندا «وسكار» سىيلىعىنا ۇسىنىلعان ەكىنشى فيلم بولادى. بۇعان دەيىن 2008 جىلى سەرگەي بودروۆتىڭ «موڭعول» ءفيلمى وسى نوميناتسيادا باق سىناعان ەدى.
سونىمەن قاتار تاعى ءبىر وتاندىق تۋىندى – «شەكتەۋسىز ءۇمىت» ءفيلمى كاليفورنيا كينوفەستيۆالىندە «ۇزدىك قىسقامەتراجدى دەرەكتى فيلم» نوميناتسياسىندا جەڭىمپاز اتانعان ەدى.
