«بيىلعى 9 قاراشادا اقتوبە وبلىسى سارىجار اۋىلىنىڭ ماڭىندا اۋە قورعانىسى كۇشتەرى اسكەري ينستيتۋتىنىڭ مي-8 تىكۇشاعى وقۋ-جاتتىعۋ ۇشۋلارىن ورىنداۋ كەزىندە اپاتتى جاعدايدا قوندى. بورتتا بولعان 3 ەكيپاج مۇشەسىنىڭ 2-ەۋى اۋرۋحاناعا جەتكىزىلدى. ولارعا قاجەتتى مەديتسينالىق كومەك كورسەتىلدى», دەلىنگەن رەسمي حابارلامادا.
وكىنىشكە قاراي ەكيپاج مۇشەلەرىنىڭ ءبىرى قازا تاپتى.
«اۆياتسيالىق وقيعانىڭ الدىن-الا سەبەبى – تەحنيكالىق اقاۋلىق. وقيعانىڭ ءمان-جايى انىقتالىپ جاتىر. جەرگىلىكتى جەردە ۆەدومستۆوارالىق جەدەل توپ جۇمىسقا كىرىستى. قارۋلى كۇشتەردىڭ باسشىلىعى مەن اۋە قورعانىسى كۇشتەرىنىڭ قولباسشىلىعى قازا تاپقان اسكەري قىزمەتشىنىڭ تۋىستارى مەن جاقىندارىنا كوڭىل ايتادى», دەپ حابارلادى ۆەدومستۆو ءباسپاسوز قىزمەتى.
ال مارقۇمنىڭ تۋىستارىنا, سونداي-اق زارداپ شەككەندەرگە بارلىق قاجەتتى كومەك كورسەتىلەدى.
