بيىل جەتى بىردەي تاۋارلى ءسۇت فەرماسى ۇيىمداستىرىلماق. ازىرگە ەكى فەرما تولىق جۇمىس ىستەي باستادى. اقكول اۋدانىندا ءۇش ءىرى تاۋارلى ءسۇت فەرماسى مەن ءبىر شارۋا قوجالىعى ءسۇت ءوندىرىپ جاتىر.
حالىق ءبىردى-ەكىلى مال باققانىمەن, يگىلىگىن كورۋ قيىن بولىپ كەلگەن. مالساق قاۋىم مالىنىڭ ءتولىن ساتىپ قانا تابىس تاباتىن. ال ساۋىلعان ءسۇتتى وتكىزەتىن جەر جوق. ەندى, مىنە, ءتاپ-ءتاۋىر تابىسقا كەنەلمەك. اۋدانداعى ەت وندىرۋمەن اينالىساتىن 12 اۋىل شارۋاشىلىعى قۇرىلىمى بيىل 296,1 توننا تىرىدەي سالماقتا مال تاپسىردى. قاراساي سەلولىق وكرۋگىندە 2 ەت باعىتىنداعى فەرما ۇيىمداستىرىلدى. ەكى شارۋاشىلىق ءوز قاراجاتىنا 75 باس ءىرى قارا ساتىپ الدى.
ەڭبەك سەلولىق وكرۋگىندە تاۋارلى ءسۇت فەرماسىنىڭ قۇرىلىسى قولعا الىندى. وندا 800 باستان استام سيىر ساۋىلماق. فەرمانىڭ ينجەنەرلىك ينفراقۇرىلىمى ىسكە قوسىلعان. ەلەكتر قۋاتى تارتىلعان. شارۋاشىلىق باسشىلارى ءوز قاراجاتى ەسەبىنەن قىرۋار ءىس تىندىرىپتى. مەملەكەتتىڭ قولداۋى ءوز الدىنا. جازدىڭ كۇنى دانيادان 272 باس گولشتين تۇقىمدى قارا مال مەن شەت ەلدەن ونىمدىلىگى جوعارى تاعى ءبىر تابىن ءىرى قارا ساتىلىپ الىنادى. جۇمىستىڭ تيىمدىلىگى ءۇشىن جوعارى ساپالى نەمىس قۇرىلعىلارى ورناتىلعان.
تاۋارلى ءسۇت فەرماسىنىڭ جوباسى «اۋىل اماناتى» باعدارلاماسى بويىنشا قولعا الىنىپ وتىر. كاسىپورىن وسى باعدارلاما شەڭبەرىندە جەڭىلدەتىلگەن نەسيە العان. بۇل دا جۇمىس ىستەيمىن دەپ جانىپ تۇرعان كاسىپ يەلەرىنە كوپ-كورىم قولداۋ.
اقمولا وبلىسى,
اقكول اۋدانى
