وبلىستىق پروكۋراتۋرا زاڭدى وكىلدەرمەن سايكەس پروفيلاكتيكالىق جۇمىس جۇرگىزىلگەنىن, بالالارعا پسيحولوگيالىق كومەك كورسەتىلگەنىن جانە ۋاكىلەتتى ورگاندار ولاردى باقىلاۋعا العانىن ايتتى.
وسى مەسسەندجەردە بالالار ءسۋيتسيدىن تىكەلەي ناسيحاتتايتىن 8-دەن استام زاڭسىز كونتەنت انىقتالدى. قازىرگى ۋاقىتتا «كيبەرنادزور» اقپاراتتىق جۇيەسى ارقىلى وسى توپتارعا كىرۋ بۇعاتتالعان.
ۋاكىلەتتى ورگاندار مەن پسيحولوگيالىق قىزمەتتەر جۇمىسىنىڭ تيىمدىلىگىن ارتتىرۋ ءۇشىن پروكۋراتۋرانىڭ باستاماسىمەن اتالعان ماسەلە بويىنشا پراكتيكالىق ءىس-شارالار وتكىزىلدى.
«اتاپ ايتقاندا, وسى جىلدىڭ قازان ايىندا وبلىس اكىمدىگىنىڭ الاڭىندا اۋقىمدى پراكتيكالىق سەمينار وتكىزىلدى, وندا وبلىستىڭ ءبىلىم بەرۋ مەكەمەلەرىنىڭ ديرەكتورلارى مەن پسيحولوگتارىنا سۋيتسيدكە بەيىم بالالاردى, ونىڭ ىشىندە الەۋمەتتىك جەلىلەر مەن مەسسەندجەرلەردە انىقتاۋ بويىنشا جاڭا عىلىمي ادىستەمەلەر مەن الگوريتمدەر جەتكىزىلدى», دەلىنگەن پروكۋراتۋرا حابارلاماسىندا.
