فوتو: gov.kz
ەڭبەك جانە حالىقتى الەۋمەتتىك قورعاۋ مينيسترلىگىء مالىم ەتكەندەي, اپات 30 قازان كۇنى «قازحروم» تۇك» اق فيليالى دونسكوي تاۋ-كەن بايىتۋ كومبيناتىنىڭ «مولودەجنايا» شاحتاسىنىڭ ميرنىي كارەرىندە بولعان.
«ساموسۆال جۇرگىزۋشىسى س. شاحتا جۇمىسشىسى ج. تيەلگەن ماتەريالمەن ميرنىي كارەرىنە بارا جاتقان. ميرنىي كارەرىندەگى ەكىنشى بۇرىلىستان ءوتىپ بارا جاتىپ, ساموسۆال جۇرگىزۋشىسى رۋلگە يە بولا الماي, كارەردىڭ سول جاق شەتىنە شىعىپ, سونىڭ سالدارىنان ساموسۆال اۋدارىلىپ كەتكەن. وقيعا ورنىنا جەتكەن جەدەل جاردەم قىزمەتكەرلەرى جۇمىسشىلاردىڭ قايتىس بولعانىن انىقتادى», دەلىنگەن حابارلامادا.
ادام ولىمىنە سەبەپ بولعان جازاتايىم وقيعانى تەكسەرۋ ءۇشىن مەملەكەتتىك ەڭبەك ينسپەكتسياسى جونىندەگى كوميتەتتىڭ اقتوبە وبلىسى بويىنشا دەپارتامەنتى ارنايى كوميسسيا قۇردى.
