«بۇعان دەيىن 1970–1980 جىلدارى سالىنعان 4 جاتاقحانامىز بولدى. ولاردىڭ بارلىق سىيىمدىلىعى 1 365 ورىن عانا ەدى. ءىشى تار, اينالىمعا كەلمەيتىن. اقش-تان كەلگەن ارىپتەستەرىمىزگە ولاردى كورسەتۋگە دە ۇيالۋشى ەدىك. ەندى مىنا جاتاقحانامىزدىڭ ارقاسىندا 2 700 ستۋدەنت جاتاقحاناعا قول جەتكىزەدى. ارىپتەستەرىمىزگە دە ۇيالماي كورسەتە الامىز. بۇل بىزگە ستۋدەنتتەر كونتينگەنتىن 9-10 مىڭعا دەيىن ارتتىرۋىمىزعا مۇمكىندىك بەرەدى», دەيدى ۋنيۆەرسيتەت رەكتورى ەربول يساقاەۆ.
ال «بەرەكە» شاعىن اۋدانىندا اشىلعان دەنساۋلىق-ساۋىقتىرۋ كەشەنىندە جاستار ۆولەيبول ويناپ, كۇرەس پەن بوكسقا قاتىسا الادى. قالىڭ كوپشىلىككە ارنالعان جاتتىعۋ زالى دا بار. اۋداندا 35 مىڭداي تۇرعىن بار, سونىڭ نەگىزگى بولىگى – جاستار. بايىرعى سپورتشى, كلاسسيكالىق كۇرەستەن قازاقتار اراسىنان وبلىستا ەڭ ءبىرىنشى بولىپ سپورت شەبەرى ءنورماتيۆىن ورىنداعان جامبىل تاسەمەنوۆ اعا كوپشىلىكتى سپورت سارايىنىڭ اشىلۋىمەن قۇتتىقتادى.
«پەتروپاۆل قالاسىندا تۇرىپ جاتقانىما – 62 جىل. ءدال مۇنداي سپورت سارايى بۇرىن بىزدە بولعان ەمەس. كۇرەس پەن بوكستىڭ وبلىسىمىزدا كەنجەلەپ قالۋىنىڭ سەبەبى دە سول. ەندى مىنا سارايدا جاڭا سپورت جۇلدىزدارى جارقىرايتىن شىعار دەگەن ءۇمىت مول», دەدى ارداگەر.
سونداي-اق ءوڭىر ورتالىعىندا جاڭا تەننيس ورتالىعى دا بوي كوتەردى. اشىلعان بەتتە ۇستەل تەننيسىنەن وبلىس چەمپيوناتى ءوتتى.
سولتۇستىك قازاقستان وبلىسى
