فوتو: Oqu-agartu ministrligi
بۇگىندە 20 وڭىردە جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ ۇيىمدارىندا, 52 اسىراپ الۋشى اتا-انالار مەكتەبى اتالعان ساناتتاعى بالالاردى تاربيەلەۋگە قاتىسقىسى كەلەتىن ازاماتتاردى پسيحولوگيالىق دايارلاۋدا شەشۋشى ءرول اتقارادى.
جاتتىعۋلار ترەنينگ فورماتىندا وتەدى جانە وعان قاتىسۋ تەگىن. وقۋ ۇزاقتىعى 42-دەن 60 اكادەميالىق ساعاتقا دەيىن, سوڭىندا سەرتيفيكات بەرىلەدى, بۇل – ولاردىڭ بالا اسىراپ الۋعا الەۋەتتى ەكەنىن بىلدىرەدى.
«بالالاردىڭ تاربيەسى مەن ەموتسيونالدىق دامۋىن تەرەڭ تۇسىنۋگە باعىتتالعان مەكتەبىمىزدىڭ ارقاسىندا ءبىز ۇمىتكەرلەردىڭ بالالاردى اسىراپ الۋعا دايىن نەمەسە دايىن ەمەستىگىن انىقتاي الامىز», دەپ اتاپ ءوتتى وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتورايىمى ناسىمجان وسپانوۆا.
دايىندىقتان وتۋگە نيەت بىلدىرگەن ۇمىتكەرلەر جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان ۇيىمداردىڭ بىرىنە ەركىن نىساندا جازباشا وتىنىشپەن جۇگىنە الادى.
