ايدىڭ ەكىنشى جارتىسىندا ايازدى اۋا رايى بولادى. سۋىق اۋا ماسسالارى ەنگەن كەزدە تەرمومەترلەردىڭ باعاندارى ەڭ سۋىق كۇندەردە تومەندەيدى:
- رەسپۋبليكانىڭ سولتۇستىگىندە, ورتالىعىندا جانە شىعىسىندا تۇنگى ۋاقىتتا -15-24°س دەيىن, كۇندىز -7-12°س دەيىن;
- باتىستا جانە ەلدىڭ وڭتۇستىك جارتىسىندا تۇندە -3-15°س دەيىن, كۇندىز 0,-7°س دەيىن.
سۋىق كۇندەردىڭ ورنىنا ورتا ازيا مەن جەرورتا تەڭىزىنەن جىلى اۋا ماسسالارىنىڭ كەلۋى اسەرىنەن كۇندىز جىلى بولادى:
- رەسپۋبليكانىڭ باسىم بولىگىندە +3+8°س دەيىن;
- وڭتۇستىك جارتىسىندا +8+15°س دەيىن.
جالپى, قاراشادا اۋا تەمپەراتۋراسى رەسپۋبليكانىڭ باسىم بولىگىندە نورما شاماسىندا, قيىر باتىستا – 1° نورمادان جوعارى, ەلدىڭ وڭتۇستىك, وڭتۇستىك-شىعىسىنداعى تاۋلى جانە تاۋ بوكتەرىندەگى اۋدانداردا – 1° نورمادان تومەن بولادى دەپ كۇتىلۋدە (تۇركىستان, جەتىسۋ وبلىسى, شىعىس قازاقستان, اباي وبلىسىندا, جامبىل جانە الماتى وبلىستارىنىڭ وڭتۇستىگىندە).
قاراشا ايىندا جاۋىن-شاشىن مولشەرى قازاقستان اۋماعىنىڭ باسىم بولىگىندە نورما شاماسىندا, سولتۇستىك-باتىس جانە سولتۇستىك-شىعىس جارتىسىندا نورمادان كوپ (باتىس قازاقستان, پاۆلودار وبلىستارىندا, اتىراۋ جانە اقتوبە وبلىستارىنىڭ سولتۇستىك-باتىسىندا, سولتۇستىك قازاقستان, اقمولا وبلىستارىنىڭ شىعىسىندا, شىعىس قازاقستان جانە اباي وبلىستارىنىڭ قيىر سولتۇستىگىندە), ەلدىڭ وڭتۇستىك وڭىرلەرىندە - نورمادان از بولۋى بولجانادى (ەلدىڭ وڭتۇستىك جارتىسىندا جانە قاراعاندى مەن ۇلىتاۋ وبلىسىنىڭ قيىر وڭتۇستىگىندە).
