فوتو: استانا قالاسى اكىمدىگى
ەلوردانىڭ الماتى اۋدانىنداعى «ينتەرناتسيونالنىي» تۇرعىن الابىندا «جاستار» تەاترىنىڭ ارتىستەرى ونەر كورسەتتى.
ال بايقوڭىر اۋدانى ء«وندىرىس» تۇرعىن الابىنداعى الاڭدا قۋىرشاق تەاترىنىڭ كونتسەرتتىك باعدارلاماسى ۇيىمداستىرىلدى. باعدارلامادا حالىق ەرتەگىلەرى مەن سۇيىكتى مۋلتفيلمدەرىنىڭ كەيىپكەرلەرى كەلگەندەردىڭ كوڭىلىن كوتەردى.
ەسىل اۋدانىنداعى «بايتەرەك» مونۋمەنتىنىڭ الدىنداعى الاڭدا كورەرمەن ءۇشىن ە. راحماديەۆ اتىنداعى مەملەكەتتىك اكادەميالىق فيلارمونياسى مەن ەلوردالىق تسيرك ارتىستەرى ونەر كورسەتتى. تسيرك ارتىستەرى ءتۇرلى-ءتۇستى اكروباتيكالىق تريۋكتەردى, جونگلەرلىك جانە فوكۋستاردى پاش ەتتى.
سارىارقا اۋدانىنداعى قالالىق الاڭدا «جوشى» ەتنو-فولكلورلىق ءانسامبلى ونەر كورسەتىپ, حالىق اسپاپتارىنىڭ سۇيەمەلدەۋىمەن قازاق فولكلورىنىڭ ۇزدىك ۇلگىلەرىن ۇسىندى.
نۇرا اۋدانىنداعى ورتالىق ساياباق اۋماعىندا «ناز» مەملەكەتتىك بي تەاترىنىڭ ارتىستەرى كورەرمەن الدىندا زاماناۋي جانە ءداستۇرلى بي نومىرلەرىنىڭ باعدارلاماسىن ۇسىندى.
استانا قالاسىنىڭ اكىمدىگى رەسپۋبليكا كۇنىنە وراي استانادا 100-دەن استام مادەني-بۇقارالىق, ءبىلىم بەرۋ, سپورتتىق جانە الەۋمەتتىك ءىس-شارالار, سونىڭ ىشىندە مەرەكەلىك كونتسەرتتەر, كورمەلەر, دوڭگەلەك ۇستەلدەر, ۇلتتىق سپورت تۇرلەرى بويىنشا تۋرنيرلەر وتكىزىلىپ جاتقانىن اتاپ ءوتتى.
مەرەكەلىك ءىس-شارالار ورتالىق الاڭدار مەن ءىرى نىسانداردا, سونداي-اق تۇرعىن الاپتاردىڭ اۋماقتارىندا, ءبىلىم بەرۋ ۇيىمدارىندا وتكىزىلدى.
سونداي-اق, رەسپۋبليكا كۇنى قارساڭىندا حالىقتىڭ الەۋمەتتىك وسال توپتارىنا مىڭنان استام ازىق-ت ۇلىك سەبەتى تاراتىلدى.
ايتا كەتەيىك, بۇگىن ساعات 21:00-دە ترياتلون ساياباعىنىڭ اۋماعىندا مەرەكەلىك وتشاشۋ وتەدى.
