شەتەل وقىتۋشىلارىنىڭ ءدارىسىن تىڭدادى

سونداي مۇمكىندىكتىڭ ۇل­گى­سىن اقتوبە قا­لا­سىنداعى بري­­تاندىق حەريوت-ۋوتت ۋني­ۆەر­سيتەتىنىڭ كامپۋسىندا شەتەلدىك وقىتۋشىلاردىڭ ءدارىس ماۋسىمىن باستا­عا­نىنان كورىپ وتىرمىز. ستۋدەنتتەر تاجىريبەلى مامان­دار­دىڭ دارىستەرىنەن ساپالى حالىقارالىق ءبىلىم ءنارىن سىڭىرۋگە مۇمكىندىك الدى. بۇل تۋرالى عىلىم جانە جوعارى ءبىلىم مينيسترلىگى حابارلادى.

عىلىم جانە جوعارى ءبىلىم مينيسترلىگى تاراتقان اقپا­راتقا سۇيەنسەك, جوعارى­دا اتالعان شەتەلدىك ۋنيۆەر­سي­تەت­تىڭ وقىتۋشىلارى رەسمي تۇردە ءوز قىزمەتىن باستاپ, ستۋدەنتتەرگە دارىستەر وقىپ جاتىر. بۇل وقىتۋشىلاردىڭ ارقايسىسى ءوز سالاسىندا مول تاجىريبەسى مەن ءبىلىمى بار, حالىقارالىق دەڭگەيدە تانىل­عان ماماندار. سونىڭ ءبىرى – سانتياگو ۆەينتيميلا, اعىلشىن ءتىلى وقىتۋشىسى ءارى ينجەنەريا سالاسىنىڭ مامانى. ول ەكۆادوردا دۇنيە­گە كەلىپ, ەكۆادور ورتالىق ۋنيۆەرسيتەتىن مۇناي ينجە­نە­رى ماماندىعى بويىن­شا تامامداعان. 2021–2023 جىلدارى نازارباەۆ ۋني­ۆەر­سي­تەتىندە عىلىم ماگيسترى دارە­جەسىن الىپ, تاۋ-كەن ءىسى جانە گەوعىلىمدار مەك­تە­بىندە ۋران زەرتتەۋ توبىن باسقارعان. وسىعان قوسا سانتياگو ەكۆادوردىڭ ءىرى كاسىپورىندارىندا ينجەنەر رەتىندە جۇمىس ىستەپ, كاسىبي تاجىريبە جيناقتاعان, اعىل­شىن ءتىلىن وقىتۋ بويىنشا «CELTA» سەرتيفيكاتىن العان.

ءدارىس بەرىپ جاتقان وقىتۋ­شىلاردىڭ ەكىنشىسى – ياسير ۋماير, CMOS بازاسىن­داعى جوعارى جىلدامدىقتى RFID-تەحنولوگيالار سالاسىنداعى ساراپشى, ەلەكترتەحنيكا ماگيسترى, راديوجيىلىك جۇيە بويىنشا (LNA, VCO, RFID, PA) جەتەكشى جوبالاردى اتقارعان BUPT RF-زەرتحاناسىنىڭ جەتەكشى عىلىمي قىزمەتكەرى. سون­داي-اق قىتايداعى ەڭ ءىرى تەح­نولوگيالىق كومپا­نيا­لاردىڭ جوبالارىنا قاتىسقان. وقى­تۋ­شى «Beijing University of Posts and Telecommunications» (BUPT) قىتاي ۋنيۆەرسيتەتىن راديوجيىلىك ينتەگرالدى سحە­ما­لارى ماماندىعى بو­يىن­شا ءبىتىردى. سونىمەن قاتار شۆەتسياداعى Linköping University-دە ماگيستر دارە­جە­سىن الدى. ۆاح ۋنيۆەر­سي­تەتىنىڭ (پاكىستان) ەلەكترتەحنيكا كافەدراسىندا وقىتۋشى بولىپ جۇمىس ىستەدى. دوكتور ياسير Schlumberger جانە OGDCL سياقتى الەمدىك دەڭگەيدەگى مۇناي جانە گاز سالاسىنداعى جەتەكشى كومپانيالاردا تا­­عى­­­لىم­­دامادان ءوتىپ, مۇناي ونەر­­كاسىبىندەگى جۇمىس پەن تەح­نو­­لوگيالاردى تەرەڭ زەرتتەگەن.

وسىنداي حالىقارالىق دەڭگەيدەگى وقىتۋشىلاردىڭ تاجىريبەسى مەن ساراپتاماسى حەريوت-ۋوتت ۋنيۆەرسيتەتىنىڭ اقتوبەدەگى كامپۋسىنداعى ستۋدەنتتەرگە الەمدىك دەڭگەيدەگى ءبىلىم الۋعا مۇمكىندىك بەرەدى.