فوتو: oboz.ua
كۋاگەرلەر تۇسىرگەن ۆيدەودا اسكەري ۇشاقتاردىڭ ارنايى اۋە كورسەتىلىمىن ورىنداپ جۇرگەنى, كەيىن ءبىر بىرىنە سوقتىعىسىپ, جارقىل پايدا بولعانى كورىنەدى. ەكى ەكيپاج مۇشەسى دە دەر كەزىندە ۇشاقتان ارنايى مەحانيزم ارقىلى سەكىرىپ ۇلگەرگەن.
امەريكالىق باق مالىمەتىنشە, سوقتىعىسقان ۇشاقتار – Boeing EA-18G Growler جويعىشتارى. ولار ارنايى دەمونستراتسيالىق توپ قۇرامىندا ونەر كورسەتكەن.
قازىرگى ۋاقىتتا اپاتتىڭ ناقتى سەبەپتەرى رەسمي تۇردە جاريالانعان جوق. وقيعاعا بايلانىستى تەرگەۋ باستالدى.
ەسكە سالايىق, بۇعان دەيىن امەريكالىق «Frontier Airlines» اۋە كومپانياسىنىڭ «Airbus A321» ۇشاعى دەنۆەر حالىقارالىق اۋەجايىندا ۇشۋ جولاعىندا ادامدى قاعىپ, مەرت قىلدى.
سونداي-اق امەريكانىڭ كەيپ-كود مۇيىسىندەگى اۋەجايدا Bearhawk LSA-8X ماركالى جەڭىل موتورلى ۇشاق اپاتقا ۇشىراعان ەدى.
