فوتو: اشىق دەرەككوز
الماتى وبلىستىق پوليتسيا دەپارتامەنتى ادام ولىمىنە اكەلگەن جول-كولىك وقيعاسى فاكتىسىن راستادى, الايدا كۇدىكتىنىڭ جەكە باسى رەسمي تۇردە جاريا ەتىلمەگەن. كۇدىكتى رەتىندە 37 جاستاعى ەر ادام ۇستالعان.
«وقيعا سالدارىنان ايەل ادام العان جاراقاتتارىنان وقيعا ورنىندا كوز جۇمدى. اتالعان فاكتى بويىنشا قىلمىستىق ءىس قوزعالدى. قازىرگى ۋاقىتتا بولعان جاعدايدىڭ بارلىق ءمان-جايىن جان-جاقتى, تولىق جانە وبەكتيۆتى انىقتاۋعا باعىتتالعان بارلىق قاجەتتى تەرگەۋ ارەكەتتەرى ءجۇرىپ جاتىر», دەپ تولىقتىردى ۆەدومستۆو.
سونىمەن قاتار دەپارتامەنت تەرگەۋ وبلىستىق پوليتسيا باسشىلىعىنىڭ ەرەكشە باقىلاۋىندا ەكەنىن اتاپ ءوتتى.
قۇقىق قورعاۋ ورگاندارى كۇدىكتىنىڭ پوليتسيا قىزمەتكەرى ەكەنى جونىندەگى الەۋمەتتىك جەلىلەردە تاراعان اقپاراتتى راستامادى دا, جوققا دا شىعارمادى.
ۆەدومستۆونىڭ ايتۋىنشا, وزگە اقپاراتتار قر قىلمىستىق-پروتسەستىك كودەكسىنىڭ 201-بابىنا سايكەس جاريا ەتىلمەيدى.
وقيعا 16 مامىردا بالقاش اۋدانى باقباقتى اۋىلى ماڭىنداعى تاسجولدا بولعان. ەرلى-زايىپتى سوزگە كەلىپ, ەر ادام ايەلىن ءتۇسىرىپ كەتكەن. سودان سوڭ ارتىنان قايتادان بارىپ قاعىپ كەتكەن. ايەل وقيعا ورنىندا كوز جۇمعان.
ەسكە سالايىق, بۇعان دەيىن الماتى وبلىسىنداعى كولىك تىزگىندەگەن ءجاسوسپىرىم 12 جاستاعى بالانى قاعىپ كەتكەنىن جازعان ەدىك.
