كوللاج: زاۋرەش سماعۇل, «EQ»
18 مامىر كۇنى استانا ۋاقىتىمەن ساعات 09:10-داعى مالىمەت بويىنشا Brent ماركالى مۇنايدىڭ ءبىر باررەلى 111,16 دوللارعا جەتتى. بۇل وتكەن اپتامەن سالىستىرعاندا 6,68 پايىزعا جوعارى.
حالىقارالىق ەنەرگەتيكا اگەنتتىگى ورمۇز بۇعازىنىڭ جابىلۋى سالدارىنان الەمدىك مۇناي قورى رەكوردتىق دەڭگەيدە ازايىپ جاتقانىن مالىمدەدى. اگەنتتىك ۇزدىكسىز جەتكىزىلىمدەگى ىركىلىستەر قورلاردىڭ كۇرت قىسقارۋىنا اكەلىپ, الداعى ۋاقىتتا مۇناي باعاسىنىڭ ودان ءارى شارىقتاۋ قاۋپىن ارتتىراتىنىن ەسكەرتتى.
سەرىك جۇمانعارين: مۇناي ءوندىرىسى اقساماعاندا, ءىجو ءوسىمى 6%-دان اسار ەدى
ۆاشينگتون مەن تەگەران اراسىنداعى شيەلەنىس ءساۋىر ايىندا جاسالعان ءالسىز بىتىمگە قاراماستان باسەڭدەمەدى. يران الەمدىك مۇناي مەن گاز تاسىمالىنىڭ شامامەن بەستەن ءبىرى وتەتىن ورمۇز بۇعازىن ءالى دە بۇعاتتاپ وتىر.
ال اقش پرەزيدەنتى دونالد ترامپ اكىمشىلىگى يران پورتتارىنا جاسالعان قورشاۋدى قولدايتىنىن ءبىلدىردى. كەشە امەريكالىق كوشباسشى يرانعا قاتىستى «ۋاقىت تاۋسىلىپ بارا جاتىر» دەپ مالىمدەپ, قاتاڭ ەسكەرتۋ جاسادى.
ەسكە سالايىق, تاياۋ شىعىستاعى جاعدايدىڭ ۋشىعۋى اياسىندا يراك ورمۇز بۇعازى ارقىلى مۇناي ەكسپورتىن شامامەن 9 ەسەگە قىسقارتتى.
بۇعان دەيىن اقش يران ەلىنە ورمۇز بۇعازىن بىرتىندەپ اشىپ, پورتتارعا قويىلعان بلوكادانى الىپ تاستاۋدى ۇسىنعان بولاتىن.
