جەرگىلىكتى اكىمدىك مالىمەتىنشە, ولاردىڭ اراسىندا مەرەكەلىك كونتسەرتتەر, اۆتوشەرۋلەر, كورمەلەر, بالالارعا ارنالعان كورنەكتى نىساندار بويىنشا ەكسكۋرسيالار, دوڭگەلەك ۇستەلدەر, ۇلتتىق سپورت تۇرلەرى بويىنشا تۋرنيرلەر جانە باسقا دا كوپتەگەن ءىس-شارا بار. شارالار ورتالىق الاڭداردا دا, ءىرى نىسانداردا دا, تۇرعىن الاپتاردا دا, ءبىلىم بەرۋ ۇيىمدارىندا جانە ت.ب. وتەدى.
سونداي-اق, رەسپۋبليكا كۇنى قارساڭىندا حالىقتىڭ الەۋمەتتىك وسال توپتارىنا 1 مىڭنان استام ازىق-ت ۇلىك سەبەتتەرى تاراتىلادى. مەرەكە اياسىندا ەلوردادا جانە ءاربىر اۋداندا ءتۇرلى سالانىڭ ەڭبەك سىڭىرگەن قىزمەتكەرلەرى, ەڭبەك ارداگەرلەرى, بەلسەندى ازاماتتارى ماراپاتتالادى. بۇل كۇندەرى ءبىلىم بەرۋ ۇيىمدارىندا دوڭگەلەك ۇستەلدەر, پىكىرتالاس تۋرنيرلەرى, كورمەلەر, تانىمال تۇلعالارمەن كەزدەسۋلەر, كونفەرەنتسيالار, شىعارماشىلىق كونكۋرستار, ەسسەلەر مەن وقىرماندار كونكۋرستارى وتكىزىلەدى.
19 قازان كۇنى ساعات 9.00-دە سارىارقا اۋدانىندا Koktal Run جۇگىرۋ مارافونى ۇيىمداستىرىلادى. وعان جەڭىل اتلەتيكامەن اينالىساتىن ءاربىر تۇرعىن قاتىسا الادى. مارافون سوڭىندا بالالار مەن ەرەسەكتەر اراسىندا 1-2-3 ورىن العان قاتىسۋشىلاردى ماراپاتتاۋ وتەدى. مارافون جەڭىمپازدارى مەن جۇلدەگەرلەرىنە گراموتالار, مەدالدار مەن باعالى سىيلىقتار ۇسىنىلادى.
19 قازان كۇنى ساعات 11.00-دە «بايقوڭىر» اۋدانىندا رەسپۋبليكا كۇنىنە وراي 3 گۇلزار اشىلادى. ولار كەلەسى لوكاتسيالاردا ورنالاسقان:
س.تورايعىروۆ كوشەسى, 2 ۇيىنە ىرگەلەس اۋماقتا;
راقىموۆ-ايمانوۆ كوشەلەرىنىڭ قيىلىسىندا;
ج.تاشەنوۆ تۇيىق كوشەسى مەن ج.تاشەنوۆ كوشەسىنىڭ قيىلىسىندا.
سول كۇنى ساعات 18:00-دە ە.راحماديەۆ اتىنداعى مەملەكەتتىك اكادەميالىق فيلارمونيادا « ۇلى شەبەرلەر مۇراسى» ۇرمەلى وركەسترىنىڭ مەرەكەلىك كونتسەرتى وتەدى.
21 قازان كۇنى ساعات 10:00-دە ەسىل اۋدانىنىڭ ۇيىمدارى اراسىندا «اسپان» سك ۆولەيبولدان جارىس وتەدى.
23 قازان كۇنى «جاستار» سارايىندا ساعات 19:00-دە رەسپۋبليكا كۇنىنە ارنالعان «جىگەر» ەسترادالىق-دجاز ءانسامبلىنىڭ «اتامەكەنىم» مەرەكەلىك كونتسەرتى وتەدى.
سول كۇنى سارىارقا اۋدانىندا يۋبيلەينايا كوشەسى, 22 جانە جەڭىس داڭعىلى, 34 بويىنشا بۇرىنعى بوس ورىندا جاڭا قوعامدىق كەڭىستىك اشىلادى. سونداي-اق, قوسشىعۇل ۇلى كوشەسى, 17 جانە 19 اۋلالارىنىڭ اباتتاندىرىلۋىنا ارنالعان مەرەكە وتەدى.
25 قازاندا ساعات 15.00-دەن 16.30-عا دەيىن ورتالىق الاڭدا جانە ەلوردا ساياباعىندا قازاق ەستراداسىنىڭ جۇلدىزدارى مەن بي انسامبلدەرىنىڭ قاتىسۋىمەن مەرەكەلىك كونتسەرتتىك باعدارلامالار وتەدى. ءىس-شارا بارىسىندا «گىر كوتەرۋ», «اسىق اتۋ», «قول كۇرەس» جانە ت.ب ۇلتتىق ويىندار دا وتكىزىلەدى.
25 قازان – رەسپۋبليكا كۇنى قوشقارباەۆ, 29/1 مەكەنجايى بويىنشا بەلسەندى ۇزاق ءومىر ءسۇرۋ ورتالىعىندا قارتتار اراسىندا دويبىدان جارىس وتەدى.
25-26 قازان كۇندەرى ءا.مامبەتوۆ اتىنداعى مەملەكەتتىك دراما جانە كومەديا تەاترىندا ساعات 19:00-دە اۆتور مۇحتار شاحانوۆتىڭ قاتىسۋىمەن «تاناكوز» سپەكتاكلىنىڭ پرەمەراسى وتەدى.
ال 26 جانە 27 قازاندا ساعات 19:00-دە جاس كورەرمەننىڭ مۋزىكالىق تەاترىندا «گاۋحارتاس» سپەكتاكلى كورسەتىلەدى.
