فوتو: dauletten.kz
ايتا كەتەيىك, تالاپ قويۋ كەزىندە مەملەكەتتىك ءاۋديتتىڭ قورىتىندىسى نەگىزگە الىنعان. تەرگەۋ ورگانىمەن مەكتەپتىڭ باس بۋحگالتەرىنە قاتىستى قىلمىستىق ءىس قوزعالىپ, ورال قالالىق سوتىنىڭ شەشىمىمەن ول كىنالى دەپ تانىلىپ, جازا تاعايىندالعان.
«قىلمىستىق ءىس اياسىندا مەكتەپكە جۇرگىزىلگەن مەملەكەتتىك اۋديت ناتيجەسىندە 2021-2022 جىلدارى 75 پەداگوگقا جالاقى بويىنشا 42 ملن تەڭگە كولەمىندە ارتىق تولەمدەر نەگىزسىز اۋدارىلعان, ءسويتىپ, قارجىلىق قۇقىق بۇزۋشىلىق انىقتالىپ, دەبيتورلىق قارىز ەسەپتەلگەن», دەلىنگەن سوت حابارلاماسىندا.
الايدا, سوتتا مەكتەپ اكىمشىلىگىنىڭ وكىلدەرى پەداگوگتاردىڭ قانداي دا ءبىر قۇقىققا قارسى ارەكەتتەر جاساعانىن, سونىڭ سالدارىنان ولارعا ارتىق قاراجات اۋدارىلعانىن دالەلدەيتىن دالەلدەمەلەردى ۇسىنا الماعان. وسىعان بايلانىستى №2 ورال قالالىق سوتى مەكتەپتىڭ تالاپ قويۋىن قاناعاتتاندىرۋسىز قالدىرعان.
سونىمەن قاتار سوت جۇمىسقا نەمقۇرايلى قاراۋ نەمەسە بۋحگالتەرلىك قاتەلىك بولماعان جاعدايدا ەڭبەك جانە ازاماتتىق زاڭنامادا كورسەتىلگەندەي, ارتىق تولەنگەن سومانى قايتارۋعا نەگىز جوق ەكەنىن اتاپ كورسەتتى.
اپەللياتسيا مەكتەپ وكىلىنىڭ شاعىمىن قاناعاتتاندىرماي, سوت شەشىمىن وزگەرىسسىز قالدىرعان.
