شارتقا سايكەس وعان ەڭ تومەنگى جالاقى جانە ءونىم ساتىلىمىنان 6% كولەمىندە ىنتالاندىرۋ تولەمدەرى بەلگىلەنگەن.
ەكى جىلدان كەيىن جۇمىس بەرۋشى بىرجاقتى تارتىپتە سىياقى مولشەرىن 6%-دان 3%-عا دەيىن تومەندەتىپ, قىزمەت كورسەتۋ وبەكتىلەرىنىڭ سانىن 45-تەن 130-عا دەيىن ارتتىرعان.
ول كەلىسىم كوميسسياسىنا ءۇش رەت جۇگىنىپ, جاۋاپكەرشىلىگى شەكتەۋلى سەرىكتەستىكتىڭ (جشس) ارەكەتىنە شاعىمدانۋعا تىرىسقانىمەن, ەش ناتيجە بولماعان.
وسىعان بايلانىستى ول سوتقا جشس-دان جالاقىنىڭ تولەنبەگەن بولىگىن, جول اقىسى ءۇشىن 2,7 ملن.-نان استام تەڭگە جانە مورالدىق زياندى وتەۋ تۋرالى تالاپ قويۋمەن جۇگىنگەن.
سول كەزدە ول ءتورت ايلىق جۇكتىلىك كەزەڭىندە بولعانىن جانە پسيحولوگيالىق قىسىم كورگەنىن اتاپ كورسەتكەن.
ءبىرىنشى ساتىداعى سوت تالاپ قويۋدى قاناعاتتاندىرۋدان باس تارتىپ, جۇمىس بەرۋشىنىڭ سىياقى بەرۋ قۇقىعىنا سىلتەمە جاساعان جانە اي سايىنعى 6% بونۋس پەن جول شىعىنىن وتەۋ بويىنشا دالەلدەر جەتكىلىكسىز دەگەن قورىتىندىعا كەلگەن.
اپەللياتسيا ءبىرىنشى ساتىداعى سوتتىڭ قورىتىندىسىمەن كەلەسى نەگىزدەر بويىنشا كەلىسپەدى:
- كۋانىڭ بونۋس باعدارلاماسىنىڭ بار ەكەنىن راستاعان ايعاقتارى نازارعا الىنباعان;
- كەلىسىم كوميسسياسىنىڭ وتىرىسىندا جازىلعان اۋديوجازبانى دالەل رەتىندە ەسەپكە الماۋ زاڭسىز دەپ تانىلدى.
اۋديوجازبادا انىقتالعانداي, كەلىسىم كوميسسياسىنىڭ وتىرىسىندا جۇمىس بەرۋشىنىڭ وكىلى 6% بونۋستىڭ بار ەكەنىن راستايدى.
سوتقا جۇمىسشىلاردىڭ جاعدايىن ناشارلاتاتىن 3 ءتۇرلى قىزمەتتىك نۇسقاۋلىق ۇسىنىلدى, وندا بونۋس مولشەرىنىڭ 3%-عا دەيىن تومەندەگەنى جانە جول, جانارماي, ۇيالى بايلانىس تولەمدەرىنىڭ قىسقارعانى كورسەتىلگەن.
وسىنى ەسكەرە وتىرىپ, وبلىستىق سوت ءبىرىنشى ساتىداعى سوتتىڭ شەشىمىن جويىپ, تالاپ قويۋدى قاناعاتتاندىردى.
قاۋلى زاڭدى كۇشىنە ەندى.
