فوتو: adebiportal.kz
ۇمىتكەرلەر: «پروزا», «پوەزيا», «دراماتۋرگيا», «ادەبي سىن» جانە «بالالارعا ارنالعان شىعارما» نوميناتسيالارى بويىنشا باق سىناي الادى.
بۇدان بولەك, شىعارماشىلىق بايقاۋدا «بەردىبەك سوقپاقباەۆتىڭ 100 جىلدىعى» جانە «الاش اماناتى» ارنايى جۇلدەلەرىنىڭ دە جەڭىمپازدارىن انىقتاۋ جوسپارلانعان. سونىمەن قاتار, الاش قايراتكەرلەرى ءى. جانسۇگىروۆ, س. سەيفۋللين, ب. ءمايليننىڭ تۋعانىنا 130 جىل تولۋىنا وراي ء«ۇش بايتەرەك» ارنايى جۇلدەسى دە تاعايىندالعان.
بايقاۋ جەڭىمپازدارى قوماقتى قارجىلاي سىيلىق يەلەنەدى.
ءار نوميناتسيانىڭ جۇلدە قورى:
1 ورىن – 1 000 000 تەڭگە
2 ورىن – 750 000 تەڭگە
3 ورىن – 500 000 تەڭگە.
ال ارنايى جۇلدە جەڭىمپازدارىنا 1 000 000 تەڭگە كولەمىندە قارجىلاي سىياقى تابىستالادى.
ۇمىتكەرلەر شىعارمالارىن 1 تامىزدان 30 قازانعا دەيىن تۇرعىلىقتى جەرى بويىنشا پارتيانىڭ ايماقتىق فيليالىندا اشىلعان ارنايى ەلەكتروندى مەكەنجايعا جولداۋى قاجەت.
