«قازانات» دۇبىرگە بولەنگەن كۇن

استانا قالاسى ءماس­لي­حاتىنىڭ توراعاسى, ۇلتتىق جانە وليم­پيا­دالىق ات سپورتى تۇرلەرى فەد­ەرا­تسياسىنىڭ پرەزيدەنتى ەرلان قانا­ليموۆ يگى ءىس-شارا داستۇرگە اينالىپ, جىل سايىن جالعاسىن تاباتىنىن ايتتى.

«استانا قالاسىندا وتكەن دۇنيەجۇزىلىك كوشپەلىلەر ويىندارىنا وراي كۇردەلى جون­دەۋ جۇرگىزىلىپ, بارلىق تالاپقا ساي جاڭارتىلعان «قازانات» يپ­پودرومى ۇلتتىق سپورت ويىن­دارىنىڭ ورداسىنا اي­نالۋعا ءتيىس. ەتنوسپورتقا كوپ­شىلىكتىڭ قىزىعۋشىلىعى ارتۋىنا كوشپەلىلەر ويىندارى زور سەپتىگىن تيگىزدى. ءتول ونەر­­دى تۇلەتۋدە مۇنداي فەس­تي­­ۆال ۇيىمداستىرۋدىڭ ما­ڭىزى زور. استانانىڭ اتشا­بارىن­دا ەكى كۇنگە ۇلاسقان سايىس ءداستۇ­رىمىزدى جاڭعىرتىپ, ۇلت­تىق قۇن­دى­لىعىمىزدى ۇلىق­تاۋعا سەرپىن بەرەدى», دەدى ە.قانا­ليموۆ.

الدىمەن كوكپاردان ەرەسەكتەر اراسىندا سولتۇستىك اي­ماق كوماندالارىنىڭ تارتىسى ءوتتى. استانا, قاراعاندى قالا­لارىنىڭ, قوستاناي, اق­مولا, سولتۇستىك قازاقستان, پاۆ­لودار, قاراعاندى وبلىس­تارىنىڭ كوك­پارشىلارى تارتىسقا ءتۇستى. سولتۇستىك ايماق­تاعى كوماندا­لار اراسىنداعى رەسپۋب­ليكا­لىق ءتۋرنيردىڭ في­نالدىق سىنىنا قوستاناي وبلىسى مەن استانا قالاسىنىڭ شاباندوز­دارى شىقتى. 4:2 ەسەبىمەن قوستانايلىقتار چەمپيون اتانىپ, 5 ميلليون تەڭگە يەلەندى. كۇمىس مەدال بۇيىرعان استانا­لىقتار 3 ميلليون تەڭگە سىي­اقىمەن ماراپاتتالدى. ال قولا مەدالعا تارتىس قاراعاندى شاھارى مەن وسى وبلىستىڭ سپورتشىلارىنان جاساقتالعان كوماندالار اراسىندا ءوربىپ, قا­لالىق كوكپارشىلاردىڭ مە­رەيى ۇستەم بولدى. 3-ورىنعا – 2 ميلليو­ن, 4-ورىنعا 800 مىڭ تەڭگە بەرىلدى. 5-ورىن بۇيىرعان ەلوردا كومانداسى مەن 6-ورىندى مىسە تۇتقان سولتۇستىك قا­زاقستان وبلىسىنىڭ كوماندالارىنا 600 مىڭ تەڭگە تابىس­تالدى. استانالىق كوكپارشى الەكساندر پۋپەنكو ءتۋرنيردىڭ ۇزدىك ويىنشىسى اتاندى.

كوكپار دوداسىنان كەيىن كورەرمەندەر بايگە تۇرلەرىنەن وتكەن جارىستى تاماشالادى. 25 شاقىرىمدىق الامانعا 21 جۇيرىك قوسىلدى. استانالىق دۋلات نۇر­مۇحانبەت تىزگىندەگەن گاۋھار قىزى توپ جارىپ, 4 ميلليون تەڭگەنى ولجالادى. 2-ورىن اقمولا وبلىسىنان كەلگەن شاباندوز الىبەك نۇر­عازىنىڭ مارجانىنا بۇ­يىردى, جۇلدەسىنە 2,5 ميلليون تەڭگە بەرىلدى. نۇر­ساۋلەت ەربو­لوۆتىڭ تاقىمىنداعى سالپاڭ­قۇلاق (اباي وبلىسى) 3-ورىن يەلەنىپ, ات يەسىنىڭ قانجى­عاسىنا 1,5 ميلليون تەڭگە سىياقى بايلاندى. مارە سىزىعىن مولي (اباي وبلىسى) ارعىماعىمەن ءتورتىنشى بوپ قيعان قۋانىشبەك تولەندينوۆ 300 مىڭ تەڭگە سىي­اقى الدى. 5-ورىن دۇيسەنبەك باقداۋلەت مىنگەن كوكشوقايعا (قاراعاندى وبلىسى) بۇيىرىپ, 200 مىڭ تەڭگە ولجالادى.

توپ بايگەگە 13 ات قوسىلىپ, 15 شاقى­رىمعا ايدالدى. الماتى وبلىسىنان كەلگەن شابان­دوز سەمبەك مۇقاعالي ايتورعان ارعى­ماعىمەن جەڭىمپاز اتانىپ, 2,2 ميلليون تەڭگەگە يە بولدى. الىبەك نۇرعازى شاباندوز سا­لاۋات سايگ ۇلىگىمەن (اس­تانا قا­لا­سى) 2-ورىن الدى. ۇيىمداس­تى­رۋ­شىلار توپ بايگەنىڭ ەكىن­شى جۇل­دەسىنە 1,3 ميلليو­ن تەڭ­گە تابىس­تادى. ۇشتىكتى تۇيىن­دەگەن ەر­الىم مەدەت ۇلىنا (تۇيە­تو­رى, استانا قالاسى) 900 مىڭ تەڭگە بەرىلدى.

9 شاقىرىمعا جۇيتكىگەن قۇنان بايگەدە 18 شاباندوز باق سىنادى. تەمىرلان زاستەنكو سارما جۇيرىگىمەن توپ جارسا, ءامىر سەرىك قىزىلجار تۇلپارىمەن 2-ورىن الدى. قۋا­نىشبەك تولەندينوۆ مىنگەن شىڭعىستاۋ 3-ورىن يەلەندى. 1-ورىنعا – 2 ميللليون, 2-ورىنعا – 1 ميلليون, 3-ورىنعا 500 مىڭ تەڭگە بەرىلدى.

كوپشىلىكتى جورعا مىنگەن شابان­دوز­داردىڭ دا شەبەرلىگى ءسۇيسىنتتى. اباي وبلىسىنان كەلگەن شابدان الماسبەك ۇلى «پرو­فەسسور» اتتى جورعاسىمەن جەكە-دارا كەلىپ, 2 ميلليون تەڭگە ۇتىپ الدى. 2-ورىن تريۋمف جور­­عاسىن تىزگىندەگەن استا­نالىق ءاليا توقتاسىنوۆاعا بۇيىرىپ, 1 ميلليون تەڭگە ەنشىلەدى. 3-ورىندى داس­تان الي­باقاسوۆ «يارو سين» جورعاسىمەن يە­لەنىپ (اباي وبلىسى), بايگەسىنە 600 مىڭ تەڭگە بەرىلدى.