فوتو: freepik
عاني بەيسەمباەۆتىڭ ايتۋىنشا, وقۋشىلار جاپپاي ۋلانعان مەكتەپتى ىستىق تاماقپەن قامتۋى ءتيىس بولعان كاسىپكەر مۇنداي ىستەردەن شەتتەتىلگەن.
«تاماقتانۋ ماسەلەسىنە بايلانىستى ونى ۇيىمداستىرعان كاسىپكەرلەردىڭ جاۋاپكەرشىلىگى ماسەلەسىن ۇنەمى كوتەرىپ كەلەمىن. ناقتى ماڭعىستاۋ وبلىسى بويىنشا تاماقتاندىرۋمەن اينالىسقان كاسىپكەر مەكتەپتەن الاستاتىلدى. مەنىڭ بىلۋىمشە, بۇدان بىلاي بۇل كاسىپكەردىڭ قانداي دا ءبىر مەكتەپكە ارالاسۋىنا شەكتەۋ قويىلدى. ودان بولەك, ءتيىستى جاۋاپتى تۇلعالار جاۋاپكەرشىلىككە تارتىلدى. ءبىلىم باسقارماسىنىڭ باسشىسى جۇمىستان كەتتى, اكىم ورىنباسارى جاۋاپقا تارتىلدى, وعان قوسا كاسىپكەرلەرمەن كەلىسىمشارت توقتاتىلىپ, باسقا كاسىپكەرگە الماستىرىلدى», دەدى وقۋ-اعارتۋ ءمينيسترى.
