بانكتەردىڭ اياق الىسى قالاي؟

«ەۋرازيالىق بانك»

«ەۋرازيالىق بانك» ءباسپاسوز قىزمەتىنىڭ حا­بار­لاۋىنشا, بانك 2023 جىلى بولشەك سەك­تور­­دا دا, كورپوراتيۆتى سەكتوردا دا نەسيە پورت­­­فەلى جونىنەن وڭ ديناميكانى ساقتاپ قالعان.

ء«بىر جىلدا نەسيە پورتفەلى 36%-عا (كور­پوراتيۆتى سەكتوردا – 55%-عا, بولشەك سەكتوردا 30%-عا) ءوستى. دەپوزيت مولشەرلەمەسىنىڭ جوعارى بولۋى جەكە تۇلعالار قاراجاتىنىڭ بىلتىر 22%-عا ارتۋىنا اسەر ەتتى», دەيدى.

بۇل قارجى ينستيتۋتى جەكە ماركەتپلەيس قۇرۋدى ەمەس, BaaS (Software as a Service) مودەلى نەگىزىندە سەرىكتەستىك ورناتۋدى ءجون دەپ تاپقان. ياعني ساۋدا جەلىسى, ءىرى ەلەكترونيكا دۇكەنى, اۆتوسالوندارمەن سەرىكتەستىك ورناتادى. 

«بانكتەگى تسيفرلاندىرۋ دەڭگەيى جوعارى. بارلىق ءونىم ونلاين رەجىمدە قولجەتىمدى. FOREX-تە ەكس­كليۋزيۆتى باعاممەن ۆاليۋتالىق وپەراتسيالار جاساۋ مۇمكىندىگىن ويلاستىرىپ جاتىرمىز. سونىمەن قاتار قولجەتىمدى بانك قىزمەتتەرى ءاردايىم جاڭا شەشىم­دەرمەن تولىعادى. ماسەلەن, «قازاقستان تۇرعىن ءۇي كومپانياسىمەن» جاساندى ينتەللەكتىنى پايدالانا وتىرىپ جاڭا باقىلاۋ تەتىگىن ەنگىزدىك, سونىڭ نەگىزىندە ۇلەسكەر ءوزى العىسى كەلەتىن ءۇيدىڭ قۇرى­لىسىن باقىلايدى. قارجىنىڭ ماقساتتى جۇمسالۋىن, كەز كەلگەن جوسپار­­­دان تىس ارەكەتتى, قارجىلىق مودەل مەن سمەتانى قاداعالاۋعا بولادى», دەلىنەدى بىزگە ۇسىنعان جاۋاپتا.

بانك – AQR-ءدىڭ دە تۇراقتى قاتىسۋ­شىسى. ايتۋلارىنشا, 2023 جىلدىڭ قورىتىندىسى نەگىزىندە جاريا­­لانعان ناتيجەدە بانك كورسەتكىشى نارىقتىڭ جالپى كورسەتكىشىنەن اسىپ تۇسكەن.

«بانكتە كاپيتالدىڭ ايتار­­­لىق­تاي قورى بار, ول قور بىلتىر ءبىر جارىم ەسە ءوستى. بانك كليماتتىق سترەسس-تەستىلەۋ وتكىزۋگە دە دايىن. بانكتىڭ نەسيە پورتفەلى ساپاسىنىڭ دا جوعارى بولۋىن جىل سايىنعى AQR قورىتىندىسى راستاپ بەرەدى. 2023 جىل قورى­تىندىسىندا NPL90+ ۇلەسى 4,19%-عا تومەندەدى», دەيدى.

«Nurbank»

«Nurbank» ءباسپاسوز قىز­مە­تىنىڭ مالىمدەۋىنشە, بىلتىرعى تازا پايدا 7,7 ملرد تەڭگەدەن اسىپ ءتۇستى (2022 جىلمەن سالىستىرعاندا 36,9%-عا ارتىق). 2023 جىلدىڭ سوڭىندا كرەديت قورجىنى 300,9 ملرد تەڭگەگە (برۋتتو) دەيىن وسكەن.

«بانكتە جەتكىلىكتى كاپيتال مەن وتىمدىلىك رەزەرۆتەرى بار. 2024 جىل­دىڭ باسىندا بانكتىڭ مەنشىكتى كاپيتالىنىڭ جەتكىلىكتىلىك دەڭگەيى 10%-دىق نورماتيۆپەن 24,8%-دى, 30%-دىق نورماتيۆپەن اعىمداعى وتىمدىلىك مولشەرى 234%-دى قۇرادى. بۇل قارجىلىق كورسەتكىشتەر بانك­تىڭ تۇراقتىلىعىن راستايدى. جوعا­رى بازالىق مولشەرلەمە ءالى دە قار­جى­لاندىرۋ قۇنىنا قاتتى اسەر ەتەدى», دەپ جاۋاپ بەرەدى بانك ءباسپاسوز قىزمەتى.

بۇل بانكتىڭ دە جەكە ماركەت­پلەي­سى جوق. ەكىنشى جارتى­جىلدىق­تاعى ­باسىم ماقساتىنىڭ ءبىرى – ونىم­دەر­دى بەرۋ رەتىن اۆتوماتتاندىرۋدى ­ارتتىرۋ.

«قاعازباستىلىقتى بارىنشا ازايتىپ, بانك بولىمشە­لەرىمەن كليەنتتىڭ ءوزارا ارەكەتىن قىسقارتقىمىز كەلەدى. بانك باسشىلىعى «تسيفرلىق قىز­مەتتەردى, سونداي-اق قولدانىستاعى تەتىك­تەردى جاڭعىرتۋعا مۇمكىندىك بەرەتىن بىرقاتار شەشىم قابىل­دادى. وزگەرىستەر شوب-قا, بول­شەك­ بيزنەسكە, ترانزاكتسيالىق بيز­نەسكە اسەر ەتەدى. سونداي-اق قازىر احقو, تسيفرلىق اكتيۆتەر بيرجالارىمەن جانە بلوكچەين يندۋسترياسىنىڭ وكىلدەرىمەن ءوزارا ىنتىماقتاس­ىپ­ جاتىرمىز. 2023 جىلى ەلەكترون­دى اقشا شىعاردىق. بۇل «Nurbank»-كە تەحنولوگيالىق بانك­تىك سەرۆيستەردى ەنگىزۋ نارى­عىن­داعى كوشباسشىلاردىڭ قاتارىنا قوسىلۋعا مۇمكىندىك بەردى. جاقىن­دا «Nurbank» پەن «Ataix Eurasia» كريپتوۆاليۋتا بيرجاسى وتاندىق نارىقتا العاش رەت زاڭدى تۇلعالار­عا (تسيفرلىق ماينەرلەر, بروكەرلەر, ينۆەستيتسيالىق قورلار) فيات ­بالانستارىنان قاراجات الۋ سەرۆيسىن بىرلەسىپ ىسكە قوستى. بۇل سەرۆيس بىزگە بانك رەتىندە كريپتوبيرجادان وتى­­­نىم­دەردى اۆتوماتتاندىرىلعان قا­بىلداۋ مەن بانكىشىلىك ۇدەرىستەر­دى اۆتوماتتاندىرۋ ەسەبىنەن كريپتوبيرجا مەن زاڭدى تۇلعا اراسىنداعى ەسەپ ايىرىسۋدى مۇمكىندىگىنشە تەزى­رەك جۇزەگە اسىرۋعا جاعداي جاسايدى», دەيدى.

2019 جىلى جۇرگىزىلگەن AQR ناتي­جەسىندە «Nurbank» قارجى­لىق تۇراق­­­تىلىقتى جاقسارتۋ باعدار­لاما­سىنا ەنىپ, ناتيجەسىندە 2020 جىلدىڭ ءساۋىر ايىندا 46,8 ملرد تەڭگە سوماسىنا رەتتەلگەن وبليگاتسيالاردى ورنالاستىرۋ مۇمكىندىگى تۋعان. بانك بۇل قاراجاتتى ەكونوميكانىڭ ناقتى سەكتورىنا نەسيە بەرۋ باعىتىندا پايدالانىپتى.

«2020 جىلدىڭ مامىر ايىندا «Nurbank»-ءتىڭ ءىرى اكتسيونەرى 20,038 ملرد تەڭگە سوماسىندا قوسىمشا كاپي­تالداندىرۋدى اياقتادى, بۇل قار­جى ينستيتۋتىنىڭ تۇراقتىلىعىن ارت­تىرۋعا مۇمكىندىك بەردى. شىعارۋ پروسپەكتىسىنە سايكەس سۋبسيديالاناتىن وبليگاتسيالاردى وتەۋ مەرزىمى ­15 جىل­دى قۇرايدى. وبليگاتسيالاردى وتەۋ پروسپەكتىنىڭ شارتتارىنا ساي­كەس جۇزەگە اسىرىلادى. قازىر بانك كليماتتىق سترەسس-تەستىلەۋدى باعا­لاۋ ۇدەرىسىن باستادى. الدىن الا مالى­مەت­تەرگە قاراساق, وتكەن ەسەپتىلىك كەزەڭ­دە بەرىلگەن كرەديتتەگى كومىرتەگى شىعارىلۋىنا بايلانىستى كرەديتتەۋ ۇلەسى نەبارى 20,9%-دى قۇرادى», دەيدى.

«Freedom Bank»

«Freedom Bank»-ءتىڭ بىزگە ۇسىنعان اقپاراتىنا سۇيەنسەك, ءبىرىنشى جارتى­جىل­دىقتا بانك اكتيۆى 5%-عا نەمەسە 2,3 ترلن تەڭگەگە دەيىن ءوستى.

«بانكتىڭ بولجامدى تازا پاي­داسى شامامەن 26 ملرد تەڭ­گە­نى قۇراۋى مۇمكىن. 2022 جىل­دان باستاپ بانك نەسيە پورت­فە­لىنىڭ كولەمىن سەرپىندى تۇردە ارتتىرىپ, 2024 جىلدىڭ باسىندا جەتكىلىكتى كولەمدى پورت­فەلدى قالىپتاستىردى. وتكەن جىلى بانك شاعىن جانە ورتا بيزنەستى دامى­تۋعا, سونداي-اق قىسقا مەرزىمدە جەكە جانە زاڭدى تۇلعالارمەن ­سە­رىك­­­­تەستىك قاتىناس قۇرۋعا مۇم­كىن­دىك بەرەتىن ىشكى بيزنەس-ۇدە­رىس­تەردى جەتىلدىردى. حالىققا ۇسى­نىلاتىن تۇسىنىكتى, اشىق ءارى الۋعا ىڭعايلى قارجىلىق قىز­مەتتەردى تانى­مال ەتۋدىڭ ارقاسىندا پايدا ارتىپ, نەسيە پورت­فەلى 2 ەسە (320 ملرد-قا) ۇلعايدى», دەيدى.

بۇل قارجى ينستيتۋتى نارىقتا ءوزىن تسيفرلىق ونىمدەر مەن قىزمەتتەردى ۇسىنۋعا مامانداندىرىلعان data-driven بانكى رەتىندە كورسەتىپ ءجۇر. 2021 جىلى بانك يپوتەكالىق نەسيە الۋدى تسيفرلاندىردى جانە الەمدەگى العاشقى تسيفرلىق يپوتەكانى ىسكە قوستى.

ء«بىراز ۋاقىت وتە قازاقستانداعى العاش­قى ينۆەستور «Invest card» كارتاسىن, باسقا دا بىرقاتار تسيفر­لىق كارتانى ‒ «Freedom card» مۋل­تي­ۆاليۋتالىق كارتاسىن, «Freepay» كرە­ديت­تىك ءليميتى بار قارىزداردى وتەۋ كارتاسىن شىعاردى. 2022 جىلى «7-20-25» مەملەكەتتىك باعدارلاماسى نەگىزىندە تسيفرلىق يپوتەكانى, تسيفر­لىق اۆتونەسيەنى جانە ءبولىپ-ءبولىپ ساتۋ مۇمكىندىگى مەن وۆەردرافتى بار جك-گە ارنال­عان «Freedom box» كەشەندى شەشى­مىن ىسكە قوستى. 2023 جىلى ءوز باعدار­لاماسى جانە «دامۋ» مەملە­كەت­تىك باعدارلاماسى اياسىندا بيز­نەستىڭ بانك بولىمشەلەرىنە بار­ماي-اق تسيفرلىق نەسيە الۋ مۇم­كىندىگىن جاريا ەتتى. قازىر بار­لىق زاڭدى تۇلعاعا قىزمەت كور­سەتۋدى تولى­عىمەن تسيفرلاندىرۋ ماقساتىندا كەيبىر ىشكى ۇدەرىستەردى رەتتەپ ­جاتىر», دەيدى.

بيىل ءساۋىر ايىندا ىسكە قو­سىلعان SuperAPP ءموبيلدى قو­سىمشاسى تسيفرلىق ماركەت­پلەيستىڭ انالوگى رەتىندە ارەكەت ەتەدى, وندا بارلىق نەگىزگى ءونىم جيناقتالعان. قوسىمشادا ونلاين رەجىمدە بانك كارتاسىن اشۋعا, دەپوزيت اشۋعا, اۋدارىمدى (ىشكى ­اۋدارىم, بانكارالىق اۋدارىم) جۇزەگە اسىرۋعا, نەسيەنى رەسىمدەۋگە (جىلجىمايتىن م ۇلىك ساتىپ الۋعا, اۆتوكولىك ساتىپ الۋعا), نەسيەدەن كەيىنگى قىزمەت كورسەتۋگە قاتىستى ءىس-شارالار وتكى­زۋگە (انىقتامالار قالىپ­تاستىرۋعا, ءىشىنارا وتەۋگە, قايتا قۇرى­لىمداۋعا ءوتىنىم بەرۋگە), ءتۇرلى قىزمەتكە (كوممۋنال­دىق تولەم, سالىق, ايىپپۇل, ۇيالى ­تەلەفون تو­لەم­دەرى) اقى تولەۋگە مۇمكىندىك بار. بۇل بانك تە AQR پەريمەترىنە كىرەدى.

«Bank RBK»

«Bank RBK»-نىڭ نەسيە پورتفەلى جىل باسىنان بەرى 8%-عا وسكەن. بيىل ءبىرىنشى توق­س­ان­داعى تازا تابىسى – 12 224 ملن تەڭگە.

«تازا پايدا وتكەن جىلدىڭ ۇقساس كە­زەڭى­مەن سالىستىرعاندا 1 708 ملن تەڭ­گە­گە نەمەسە 16,2%-عا ءوستى. اكتيۆ قۇنى 1 956 ملرد تەڭگەگە جەتتى (2024 جىلدىڭ 1 ساۋى­رىندەگى جاعداي). ءوسىم – 13,3%. جەكە تۇل­عا­لار مەن زاڭدى تۇلعالاردىڭ سالىمى 1 277 ملرد تەڭگە بولدى. قارىز پورتفەلى 2023 جىلدىڭ 1 ساۋىرىمەن سالىستىرعاندا 350 ملرد تەڭگەگە ۇلعايدى. ەسەپكە سايكەس, بانك بىلتىر 49,5 ملرد تەڭگە كىرىس الدى. بۇل – 2022 جىلعىدان 34%-عا جوعارى كور­سەتكىش.

بۇل بانك ءوزىنىڭ «My RBK» ءموبيل­دى قوسىمشاسىن ۇدايى جەتىل­دىرىپ وتىرۋعا كوڭىل بولەدى.

«قازىرگى ۋاقىتتا ءموبيلدى قوسىم­شادا 2 مىڭنان استام ءارتۇرلى قىزمەت قولجەتىمدى. قوسىمشادا دەپوزيت اشۋ, نەسيە الۋ, اۋدارىم جاساۋ ­(شەتەلگە دە), اۋە بيلەتىن, كونتسەرت پەن سپورتتىق ءىس-شارالارعا بيلەت ساتىپ الۋ, مەملەكەتتىك قىزمەتتى تۇتىنۋ, پاتەراقىنى تولەۋ سياقتى قىزمەتتەر بار. سونىمەن بىرگە قازىر ءارتۇرلى سەرىكتەسپەن 5 جوبانى­ جۇزەگە اسىرىپ جاتىرمىز. ولار ءوز قوسىمشالارىندا بانك سەرۆيس­تەرىن قولدانىپ وتىر. بۇل – اتالعان باعىتتاعى ەكىنشى دەڭگەي­لى بانكتەر اراسىنداعى ءابسوليۋتتى ­رەكورد», دەپ جاۋاپ بەردى.