سۋرەت: ru.freepik.com
قۇجات اقتاۋ قالاسىنىڭ ماگيسترالدى جىلۋ جەلىلەرىن رەكونسترۋكتسيالاۋ جوباسىن ىسكە اسىرۋ ءۇشىن 5 ملرد تەڭگەنى ماڭعىستاۋ وبلىسىنىڭ بيۋدجەتىنە ماقساتتى ترانسفەرتتەر تۇرىندە اۋدارۋدى قاراستىرادى.
اتاپ ايتقاندا, بۇل قاراجات جەرگىلىكتى بيۋدجەتتەن بىرلەسىپ قارجىلاندىرۋدى ەسكەرە وتىرىپ, جۇمىستىڭ جالپى قۇنىنىڭ 10% مولشەرىندە ۇزىندىعى 11,5 شاقىرىم ەڭ توزىعى جەتكەن اۆتوجول ۋچاسكەسىن رەكونسترۋكتسيالاۋعا باعىتتالادى.
بۇعان دەيىن مەردىگەر ۇيىم قاراجاتى ەسەبىنەن شامامەن 11,5 شاقىرىم جىلۋ جەلىسى تارتىلعان. جالپى, 2024-2026 جىلدارى ارالىعىندا توزۋ دەڭگەيى 75%-دان اساتىن 44 شاقىرىم ماگيسترالدى جىلۋ قۇبىرىن كەزەڭ-كەزەڭىمەن اۋىستىرۋ قاجەت. اقتاۋ قالاسى جىلۋ جەلىلەرىنىڭ نەگىزگى بولىگى – 1962 جىلدان بەرى قولدانىستا.
قابىلدانعان شارالار ناتيجەسىندە جەلىلەردىڭ توزۋ دەڭگەيى تومەندەتىلىپ, تۇرعىندارعا ساپالى كوممۋنالدىق قىزمەتتەر كورسەتۋ مەن جىلىتۋ ماۋسىمىنىڭ ۇزدىكسىز ءوتۋىن قامتاماسىز ەتۋگە مۇمكىندىك بەرەدى.
