فوتو: اشىق دەرەككوز
ەسكە سالا كەتەيىك, 2024 جىلى 5 شىلدەدە مەملەكەت باسشىسى تاۋەلسىز كاسساتسيالىق سوتتاردى قۇرۋدى كوزدەيتىن كونستيتۋتسيالىق زاڭعا قول قويعان ەدى. ال بۇگىن قابىلدانعان زاڭ كاسساتسيالىق سوت ءىسىن جۇرگىزۋ ءتارتىبىن جەتىلدىرۋگە باعىتتالعان.
سونىمەن قاتار قىلمىستىق-پروتسەستىك كودەكسكە, ازاماتتىق پروتسەستىك كودەكسكە, اكىمشىلىك راسىمدىك-پروتسەستىك كودەكسكە جانە باسقا دا زاڭدارعا تۇزەتۋلەر ەنگىزىلگەن.
«زاڭدا ازاماتتىق جانە قىلمىستىق ىستەردى كاسساتسيالىق ساتىدا الدىن الا قاراۋدى الىپ تاستاۋ ۇسىنىلعان. ەندى ازاماتتار سوت اكتىلەرىن قايتا قاراۋ تۋرالى ارىز ەمەس, كاسساتسيالىق شاعىم تۇسىرەتىن بولادى. سوت ءىسىن جۇرگىزۋدىڭ بارلىق تۇرىنە كاسساتسيالىق قاداعالاۋدىڭ بىرىڭعاي ەرەجەلەرى ەنگىزىلەدى. ەندى اكىمشىلىك ىستەر بويىنشا سوت اكتىلەرى اپەللياتسيالىق شاعىم جاسالعاننان كەيىن زاڭدى كۇشىنە ەنەدى», دەلىنگەن حابارلامادا.
ايتا كەتەرلىگى, 2025 جىلدىڭ 1 شىلدەسىنەن باستاپ تاۋەلسىز كاسساتسيالىق سوتتاردىڭ قۇرىلۋىنا بايلانىستى جوعارعى سوتتىڭ ءرولى وزگەرەدى. ول سوت پراكتيكاسىنىڭ بىركەلكىلىگىن قامتاماسىز ەتۋگە باعدارلانادى. ال سوت تورەلىگىن تەك جەرگىلىكتى جانە كاسساتسيالىق سوتتار جۇزەگە اسىرادى.
