اتىراۋ وبلىستىق ءماسليحاتى بيىل 24 مامىرداعى سەسسياسىندا ارحەولوگكە وسىنداي ەڭبەگى ءۇشىن اتىراۋ وبلىسىنىڭ قۇرمەتتى ازاماتى اتاعىن بەرۋگە شەشىم قابىلدادى. قۇرمەتتى اتاقتى اتىراۋ وبلىسىنىڭ اكىمى سەرىك شاپكەنوۆ تاپسىردى.
زەينوللا ساماشەۆ ارحەولوگيا سالاسىنداعى جۇمىسىن ش.ءۋاليحانوۆ اتىنداعى تاريح, ارحەولوگيا جانە ەتنوگرافيا ينستيتۋتىندا باستاعان. وسى ينستيتۋتتىڭ العاشقى ارحەولوگيا, ودان سوڭ ءا.مارعۇلان اتىنداعى ارحەولوگيا ينستيتۋتىنىڭ ەجەلگى ونەر بولىمىنە جەتەكشىلىك ەتكەن. قازىر ءا.مارعۇلان اتىنداعى ارحەولوگيا ينستيتۋتىنىڭ باس عىلىمي قىزمەتكەرى بولىپ جۇمىس ىستەيدى.
ارحەولوگتىڭ نەگىزگى زەرتتەۋ نىسانى – قازاقستان مەن ورتا ازيانىڭ ەجەلگى جانە ورتا عاسىرلارداعى ارحەولوگياسى, تاريحى, مادەنيەتى مەن ونەرى. ونىڭ اۆتورلىعىمەن 100-دەن اسا عىلىمي جۇمىسى رەسەي, قحر, فرانتسيا, اقش-تا جارىق كورگەن. ال 2017 جىلى بەرەل قورعانىن اشقان ارحەولوگيالىق توپقا جەتەكشىلىك ەتتى. شىعىس قازاقستان وبلىسىنىڭ قاتونقاراعاي اۋدانىنداعى بۇل قورعاننان ايەل باسكيىمىنىڭ, تونى مەن بەلبەۋىنىڭ قالدىعى تابىلعان. وعان قوسا ەكى اتتىڭ قالدىعى شىققان.
«قورعان تونالعان. ال اقسۇيەك ايەل ءبىزدىڭ زامانىمىزعا دەيىنگى ءىىى عاسىردىڭ باسى مەن ءىV عاسىردىڭ اياعىندا ءومىر سۇرگەن بولۋى مۇمكىن», دەيدى ز.ساماشەۆ.
اتىراۋ وبلىسى
