فوتو: parlam.kz
سەنات توراعاسى ءوز سوزىندە جاساندى ينتەللەكتتىڭ ادامزاتقا تيگىزەر قاۋپى تۋرالى ايتتى.
«ادامزاتتىڭ الدىندا تۇرعان جانە كوپتەگەن پىكىرتالاس تۋدىراتىن تاعى ءبىر وزەكتى ماسەلە – نەيروندىق جەلىلەر مەن جاساندى ينتەللەكتتىڭ قارقىندى دامۋى. بۇگىندە تسيفرلىق تەحنولوگيالار ىلگەرىلەۋ ءۇشىن ۇلكەن مۇمكىندىكتەر اشادى, بىراق سونىمەن بىرگە ولار جاڭا سىن-تەگەۋرىندەرگە يە», دەپ اتاپ ءوتتى ماۋلەن اشىمباەۆ.
سونىمەن قاتار ماۋلەن اشىمباەۆ جاڭا مۇمكىندىكتەر دەسترۋكتيۆتى باعىتتا پايدالانىلعان جاعدايدا تۋىندايتىن تاۋەكەلدەر تۋرالى ءسوز قوزعادى.
«ساراپشىلاردىڭ پىكىرىنشە, اقپاراتتىق سالاداعى باستى قاۋىپتەردىڭ ءبىرى - جالعان اقپارات پەن فەيكتەردىڭ تارالۋى. وسى ماقساتتارعا جاساندى ينتەللەكت رەسۋرستارى دا تارتىلۋى مۇمكىن. بۇل ەتنيكالىق, ءدىني جانە الەۋمەتتىك توپتار اراسىنداعى ءتۇرلى قاقتىعىستارعا الىپ كەلۋى مۇمكىن», دەدى سەنات توراعاسى.
