اسكەردەن ورالعان جىگىتتەردى شىعارىپ سالۋ مەن كۇتىپ الۋ ءراسىمى «وڭتۇستىك» وڭىرلىك قولباسشىلىعىنىڭ مەحانيكالاندىرىلعان بريگاداسى اسكەري وركەسترىنىڭ شەرۋ اۋەنىمەن ءوتتى. وسىلايشا, تەمىرجول ۆوكزالى ءبىر مەزەتتە ۇلكەن قۋانىش پەن دۋماندى مەرەكەنىڭ الاڭىنا اينالدى.
ۆوكزالدا پويىز كۇتكەن جولاۋشىلاردى كوگىلدىر بەرەت كيگەن دەسانتشىلاردىڭ ءتۇر كەلبەتى ەرەكشە قىزىقتىردى. جاس بالالار جاۋىنگەرلەردىڭ قولىن الىپ, ءبىر ساتتە ولارمەن فوتوعا ءتۇسىپ ۇلگەردى. دەسانتشىلاردىڭ ءجۇرىس-تۇرىسى مەن كيگەن كيىمىنە ەرەكشە نازارى اۋعان جاسوسپىرىمدەر تەزىرەك اسكەر قاتارىنا الىنىپ, اعالارى سەكىلدى كوگىلدىر بەرەتتىڭ يەسى بولۋدى ارمانداعاندارى ءسوزسىز. ال وتان قورعاۋ بورىشىن وتەۋگە ەندى اتتانىپ كەتىپ بارا جاتقان جاس جىگىتتەر ۋاقىت كەلسە دە ولار دا وسىنداي ءسان سالتاناتپەن ۇيىنە ابىرويمەن ورالارىنا سەنىم ءبىلدىرىپ, الداعى اسكەري ءومىردىڭ پايدالى دا قىزىقتى وتەرىنە ۇلكەن ۇمىتپەن قاراعانى كوز جانارىنان سەزىلىپ تۇردى.
ءوز كەزەگىندە شىمكەنت قالاسىنىڭ قورعانىس ىستەرى جونىندەگى دەپارتامەنتىنىڭ باستىعى پولكوۆنيك ابدىعابيت شەگەباەۆ اسكەردەن قايتقان جاۋىنگەرلەرگە ەلگە جاساعان قىزمەتى ءۇشىن, ال سارباز بولۋعا بارا جاتقان جاستارعا باتىل جۇرەك تانىتىپ ەرلىك قادام جاساعانى ءۇشىن العىسىن جەتكىزدى.
«وسىدان تۋرا ءبىر جىل بۇرىن ءبىز وسى تەمىرجول ۆوكزالىنان اسكەرگە شاقىرىلىلعان 40 جاس جىگىتتى دەسانتتىق-شابۋىلداۋ بريگاداسىنا قىزمەتكە جىبەرگەن ەدىك. قارۋلى كۇشتەردىڭ وسى بەدەلدى بولىمشەسىنە ءبىز فيزيكالىق جانە پسيحولوگيالىق تۇرعىدان جاقسى دايىندالعان جاستاردى عانا جولدايمىز. ەندى ولار باتىلدىق ەستافەتاسىن ءوز ىنىلەرىنە تاپسىرىپ جاتىر. ولار ءۇشىن بۇل –ۇمىتىلماس ءسات», دەدى قورعانىس ىستەرى جونىندەگى دەپارتامەنت باستىعى پولكوۆنيك ءا.شەگەباەۆ.
ال بالالارىن باتىل ۇل قىلىپ تاربيەلەگەن ساربازداردىڭ اتا-انالارىنا «قارۋلى كۇشتەر ارداگەرلەرى» رەسپۋبليكالىق قوعامدىق بىرلەستىگىنىڭ توراعاسى, وتستاۆكاداعى پولكوۆنيك سەرىكباي وڭباەۆ ەرەكشە العىسىن ءبىلدىردى.
ء«بىز بالالاردى ءبىر ۆوكزالدان جانە ءبىر پويىزبەن قارسى الىپ, شىعارىپ سالىپ جاتىرمىز. كەشە عانا اسكەرگە كەتكەن جاس بالا بۇگىن كۇشى تولىسقان, ويى ەسەيىپ كادىمگىدەي ۇلكەن ەر ازاماتقا اينالعان جىگىتتەردى كورىپ وتىرمىز. ولار اتا-اناسىنىڭ, تۋىستارىنىڭ الدىندا بالا سەكىلدى ەدى, بۇگىن مىنە, اسكەردەن ورالىپ, ەل قورعاۋعا دايىن ناعىز قازاقتىڭ باتىرى بولىپ كەلدى. وسىنداي تاماشا ۇلداردى كورىپ قالاي ريزا بولماسسىڭ, قالاي تامسانباسسىڭ! ارينە, جاس ساربازداردىڭ مىنەزدى تۇلعالى جاۋىنگەرلەرگە اينالۋىنا كومانديرلەردىڭ, سەرجانت, نۇسقاۋشىلاردىڭ ەڭبەگى كوپ. دەگەنمەن ساربازدار دا ءوزىن-ءوزى تاربيەلەۋ ءۇشىن كوپ جۇمىس ىستەدى», دەدى ارداگەر.
البەتتە, ۆوكزالدى بولعان شاتتىقتى كورىنىستى اۋىزبەن ايتىپ جەتكىزۋ قيىن. قانشا دەگەنمەن جاۋىنگەرلەر دە, ولاردىڭ اتا-انالارىنا دا ءبىر-ءبىرىن ساعىنىسىپ قالعانى جۇزىنەن كورىنىپ تۇردى. ساربازداردىڭ دوستارى دا بۇل دۋماننان شەت قالماي, قيماس باۋىرلارىن قاۋمالاي قورشاپ, ءتىپتى بارلىعى بىرگە توبەسىنە قاراي لاقتىرىپ, كوڭىل كوتەرىپ جاتتى. بۇل ۇزاق ۋاقىت جىراقتا ءجۇرىپ, وتان قورعاۋ جولىندا قىزمەت اتقارىپ, ءوز مىندەتىن امان-ەسەن اتقارىپ كەلگەن ساربازداردىڭ ومىرىندەگى ەڭ قىزىقتى دا ۇمىتىلماس شاعى بوپ قالارى ءسوزسىز.
شىمكەنت
