فوتو: عىلىم جانە جوعارى ءبىلىم مينيسترلىگى ءباسپاسوز ءبولىمى
بۇل شارا ستۋدەنتتىك كاسىپكەرلىكتى دامىتۋ, يننوۆاتسيالىق جوبالاردى تانىستىرۋ جانە حالىقارالىق بايلانىستاردى نىعايتۋ ماقساتىندا ۇيىمداستىرىلدى. Enactus — تەك جاڭا يدەيالاردى كورسەتۋ الاڭى عانا ەمەس, سونداي-اق ءار ەلدىڭ ستۋدەنتتەرىنە تاجىريبە الماسۋ جانە دوستىق قارىم-قاتىناستار ورناتۋ مۇمكىندىگىن بەرەتىن پلاتفورما.
بۇل جولعى چەمپيوناتقا 33 ەلدەن كەلگەن كوماندالار قاتىسىپ, ءوز جوبالارىن قورعادى. سايىس ناتيجەسىندە 16 ۇزدىك كوماندا ىرىكتەلىپ الىنىپ, ءتورت ليگاعا ءبولىندى. قازاقستاننىڭ نامىسىن قورعاعان «Enactus Kazakhstan» كومانداسى دا وسى ۇزدىكتەر قاتارىندا بولدى, ولار ءوز جوبالارىن كورسەتىپ, جارقىن يدەيالارىن ۇسىندى.
شارانىڭ جابىلۋ سالتاناتىنا قر عىلىم جانە جوعارى ءبىلىم ءمينيسترى ساياسات نۇربەك ارنايى قاتىسىپ, ستۋدەنتتەردىڭ جەتىستىكتەرىن اتاپ ءوتتى. ول ءى.جانسۇگىروۆ اتىنداعى جەتىسۋ ۋنيۆەرسيتەتى ستۋدەنتتەرىنىڭ جوباسىنا جوعارى باعا بەرىپ, ولاردىڭ يدەيالارى مەن باستامالارىن قولدايتىنىن ايتتى.
چەمپيوناتتىڭ فينالىندا ماروككو, كورەيا, تۋنيس جانە گەرمانيا كوماندالارى باق سىناپ, ناتيجەسىندە ءبىرىنشى ورىندى تۋنيس كومانداسى جەڭىپ الدى. ولاردىڭ جوباسى يننوۆاتسيالىق شەشىمدەرىمەن ەرەكشەلەندى جانە حالىقارالىق دەڭگەيدە جوعارى باعالاندى.
بۇل چەمپيونات ستۋدەنتتەردىڭ كاسىپكەرلىك داعدىلارىن دامىتۋعا, ستارتاپ يدەيالارىن ىسكە اسىرۋعا جانە الەمدىك نارىقتا باسەكەلەستىك قابىلەتىن ارتتىرۋعا مۇمكىندىك بەردى. سونىمەن قاتار Enactus پلاتفورماسى ارقىلى جاستاردىڭ كرەاتيۆتىلىك قابىلەتتەرىن شىڭداپ, ولاردى حالىقارالىق دەڭگەيدە تانىتۋعا جول اشىلدى.
