فوتو: اشىق دەرەككوز
زارينا ورىنباسار اتىراۋ قالاسىنا تاياۋ ورنالاسقان ەركىنقالا اۋىلدىق وكرۋگىندەگى راكۋش اۋىلىندا تۇرادى. وسىنداعى م.وتەمىسوۆ اتىنداعى جالپى ورتا ءبىلىم بەرەتىن مەكتەپتىڭ 11-سىنىبىندا وقيدى.
«بۇگىن العاش رەت داۋىس بەردىم. مەنىڭ بۇل قادامىم رەفەرەندۋممەن سايكەس كەلدى. ساياسي ناۋقانقا قاتىسىپ, ءوز تاڭداۋىمدى جاساۋ ارقىلى ۇلكەن جاۋاپكەرشىلىكتى سەزىنىپ تۇرمىن. جەكە كوزقاراسىما سايكەس شەشىم قابىلداپ, داۋىس بەرۋ جاشىگىنە بيۋللەتەندى سالدىم», دەيدى زارينا ورىنباسار.
ول ءوزى تۇراتىن اۋىلداعى №27 سايلاۋ ۋچاسكەسىنىڭ تىزىمىندە 2212 اداممەن بىرگە تىركەلگەن. رەفەرەندۋم كوميسسياسى العاش رەت داۋىس بەرگەن مەكتەپ وقۋشىسىنا ارنايى سىيلىق تابىس ەتتى.
