اممان قالاسىندا ەلباسى نۇرسۇلتان نازارباەۆتىڭ اتىنداعى داڭعىل سالتاناتتى تۇردە اشىلدى
يوردانيا حاشيميتتىك كورولدىگىنىڭ اممان قالالىق مۋنيتسيپالدىق كەڭەسى اممان قالاسىنىڭ ءبىر كوشەسىنە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ ەسىمىن بەرۋ تۋرالى شەشىم شىعارعان بولاتىن.
كەشە اممان قالاسىندا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ قۇرمەتىنە بەرىلگەن داڭعىلدىڭ رەسمي اشىلۋ سالتاناتى بولدى.
سالتاناتتى راسىمگە استانا قالاسىنىڭ اكىمى يمانعالي تاسماعامبەتوۆ باستاعان, قۇرامىندا پرەزيدەنت اكىمشىلىگى باسشىسىنىڭ ورىنباسارى باۋىرجان بايبەك, پارلامەنت دەپۋتاتتارى – سەناتور قۋانىش سۇلتانوۆ, ءماجىلىسمەن كەنجەعالي ساعاديەۆ, مادەنيەت ءمينيسترى مۇحتار قۇل-مۇحاممەد بار قازاقستاندىق دەلەگاتسيا جانە اممان قالاسىنىڭ باسشىلارى, يوردانيا پارلامەنتىنىڭ دەپۋتاتتارى, كورولدىكتىڭ جاۋاپتى قىزمەتكەرلەرى, وسى ەلدە تىركەلگەن بىرقاتار شەتەل ەلشىلەرى, سونداي-اق اممان قالاسىنىڭ تۇرعىندارى قاتىستى.
اشىلۋ سالتاناتىندا اممان قالاسىنىڭ مەرى ومار مااني مەن استانا قالاسىنىڭ اكىمى يمانعالي تاسماعامبەتوۆ ءسوز سويلەپ, ەكى ەلدىڭ ىنتىماقتاستىعى جانە باۋىرلاس قالالار – استانا مەن امماننىڭ اراسىنداعى تىعىز بايلانىستارعا توقتالدى.
اممان قالاسىنىڭ مەرى, مۋنيتسيپالدىق كەڭەس حاتشىسى جانە ونوماستيكا جانە تىركەۋ ءبولىمىنىڭ باستىعى قول قويعان شەشىمدە بىلاي دەپ كورسەتىلگەن: “اممان قالاسىنىڭ ءبىر كوشەسىنە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ ەسىمى بەرىلسىن”. ال قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ اتىنداعى داڭعىل ساراح ءال-شاحيد كوشەسى مەن يادجۋز كوشەسىنىڭ ارالىعىندا ورنالاسقان, ۇزىندىعى – 3500 مەتر, ەنى – 40-60 مەتر. داڭعىلدىڭ ەكى جاعىندا مەملەكەتتىك مەكەمەلەردىڭ عيماراتتارى, تۇرعىن ۇيلەر ورنالاسقان.
يوردانيالىقتاردىڭ ءتاجىريبەسىندە باۋىرلاس قالالار اراسىنداعى ءوزارا ىنتىماقتاستىقتى نىعايتۋ ماقساتىندا ەل استاناسىندا وزگە مەملەكەتتەردىڭ باسشىلارى اتىنا كوشە بەرۋ بۇرىننان بار ەكەن. قازاقستان پرەزيدەنتىنىڭ اتىنا كوشە بەرىلۋى قاي جاعىنان العاندا دا وتە قۇپتارلىق ءجايت. وعان يوردانيالىق تانىمال تۇلعالارمەن اڭگىمەلەسۋ بارىسىندا انىق كوز جەتكىزدىك. جالپى, ەلباسى – قازاقستان پرەزيدەنتى نۇرسۇلتان نازارباەۆ يوردانياعا بىرنەشە مارتە ساپارمەن بارىپ قايتقان. يوردانيا كورولى ابداللا ءىى دە قازاقستاندا بىرنەشە رەت بولعان. سونىمەن قاتار, بۇگىندە استانا مەن اممان باۋىرلاس قالالار بولىپ تابىلادى. ال قازاقستان باسشىسىنىڭ اتىنا كوشە بەرۋگە كورول اكىمشىلىگى باستاماشى بولىپتى.
بۇعان دەيىن اممان قالاسىندا سەگىز كوشە شەتەل مەملەكەتتەرى باسشىلارىنىڭ اتىمەن اتالىپ كەلگەن ەكەن. ولاردىڭ ىشىندە ەگيپەتتىڭ بۇرىنعى پرەزيدەنتى گامال ابدەل ناسەر, ساۋد ارابياسىنىڭ كورولى فەيسال بەن ابدەل ءازيز, يسپانيا كورولى حۋان كارلوس, ءازىربايجاننىڭ بۇرىنعى پرەزيدەنتى گەيدار اليەۆ, تاعى باسقالار بار. مىنە, ەندى اممان قالاسىنداعى تاعى ءبىر كورىكتى كوشە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ ەسىمىمەن اتالاتىن بولدى.
استانا قالاسىنىڭ اكىمى يمانعالي تاسماعامبەتوۆ كەشە سونداي-اق كورول سارايىنا بارىپ, يوردانيا كورولى ابداللا ءىى-گە ىقىلاس ساپارىن جاسادى. سونىمەن قاتار, يمانعالي تاسماعامبەتوۆ باستاعان قازاقستاندىق دەلەگاتسيا اممان قالاسىنىڭ مەرى ومار ماانيمەن كەزدەستى. ال پارلامەنت دەپۋتاتتارى قۋانىش سۇلتانوۆ پەن كەنجەعالي ساعاديەۆ يوردانيا پارلامەنتىنىڭ سەناتىندا, مادەنيەت ءمينيسترى مۇحتار قۇل-مۇحاممەد وسى ەلدىڭ مادەنيەت مينيسترلىگىندە بولدى.
سۋرەتتى تۇسىرگەن يگور بۋرگاندينوۆ.
ءاليسۇلتان قۇلانباي – امماننان.
سالتاناتتى راسىمگە استانا قالاسىنىڭ اكىمى يمانعالي تاسماعامبەتوۆ باستاعان, قۇرامىندا پرەزيدەنت اكىمشىلىگى باسشىسىنىڭ ورىنباسارى باۋىرجان بايبەك, پارلامەنت دەپۋتاتتارى – سەناتور قۋانىش سۇلتانوۆ, ءماجىلىسمەن كەنجەعالي ساعاديەۆ, مادەنيەت ءمينيسترى مۇحتار قۇل-مۇحاممەد بار قازاقستاندىق دەلەگاتسيا جانە اممان قالاسىنىڭ باسشىلارى, يوردانيا پارلامەنتىنىڭ دەپۋتاتتارى, كورولدىكتىڭ جاۋاپتى قىزمەتكەرلەرى, وسى ەلدە تىركەلگەن بىرقاتار شەتەل ەلشىلەرى, سونداي-اق اممان قالاسىنىڭ تۇرعىندارى قاتىستى.
اشىلۋ سالتاناتىندا اممان قالاسىنىڭ مەرى ومار مااني مەن استانا قالاسىنىڭ اكىمى يمانعالي تاسماعامبەتوۆ ءسوز سويلەپ, ەكى ەلدىڭ ىنتىماقتاستىعى جانە باۋىرلاس قالالار – استانا مەن امماننىڭ اراسىنداعى تىعىز بايلانىستارعا توقتالدى.
اممان قالاسىنىڭ مەرى, مۋنيتسيپالدىق كەڭەس حاتشىسى جانە ونوماستيكا جانە تىركەۋ ءبولىمىنىڭ باستىعى قول قويعان شەشىمدە بىلاي دەپ كورسەتىلگەن: “اممان قالاسىنىڭ ءبىر كوشەسىنە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ ەسىمى بەرىلسىن”. ال قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ اتىنداعى داڭعىل ساراح ءال-شاحيد كوشەسى مەن يادجۋز كوشەسىنىڭ ارالىعىندا ورنالاسقان, ۇزىندىعى – 3500 مەتر, ەنى – 40-60 مەتر. داڭعىلدىڭ ەكى جاعىندا مەملەكەتتىك مەكەمەلەردىڭ عيماراتتارى, تۇرعىن ۇيلەر ورنالاسقان.
يوردانيالىقتاردىڭ ءتاجىريبەسىندە باۋىرلاس قالالار اراسىنداعى ءوزارا ىنتىماقتاستىقتى نىعايتۋ ماقساتىندا ەل استاناسىندا وزگە مەملەكەتتەردىڭ باسشىلارى اتىنا كوشە بەرۋ بۇرىننان بار ەكەن. قازاقستان پرەزيدەنتىنىڭ اتىنا كوشە بەرىلۋى قاي جاعىنان العاندا دا وتە قۇپتارلىق ءجايت. وعان يوردانيالىق تانىمال تۇلعالارمەن اڭگىمەلەسۋ بارىسىندا انىق كوز جەتكىزدىك. جالپى, ەلباسى – قازاقستان پرەزيدەنتى نۇرسۇلتان نازارباەۆ يوردانياعا بىرنەشە مارتە ساپارمەن بارىپ قايتقان. يوردانيا كورولى ابداللا ءىى دە قازاقستاندا بىرنەشە رەت بولعان. سونىمەن قاتار, بۇگىندە استانا مەن اممان باۋىرلاس قالالار بولىپ تابىلادى. ال قازاقستان باسشىسىنىڭ اتىنا كوشە بەرۋگە كورول اكىمشىلىگى باستاماشى بولىپتى.
بۇعان دەيىن اممان قالاسىندا سەگىز كوشە شەتەل مەملەكەتتەرى باسشىلارىنىڭ اتىمەن اتالىپ كەلگەن ەكەن. ولاردىڭ ىشىندە ەگيپەتتىڭ بۇرىنعى پرەزيدەنتى گامال ابدەل ناسەر, ساۋد ارابياسىنىڭ كورولى فەيسال بەن ابدەل ءازيز, يسپانيا كورولى حۋان كارلوس, ءازىربايجاننىڭ بۇرىنعى پرەزيدەنتى گەيدار اليەۆ, تاعى باسقالار بار. مىنە, ەندى اممان قالاسىنداعى تاعى ءبىر كورىكتى كوشە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ ەسىمىمەن اتالاتىن بولدى.
استانا قالاسىنىڭ اكىمى يمانعالي تاسماعامبەتوۆ كەشە سونداي-اق كورول سارايىنا بارىپ, يوردانيا كورولى ابداللا ءىى-گە ىقىلاس ساپارىن جاسادى. سونىمەن قاتار, يمانعالي تاسماعامبەتوۆ باستاعان قازاقستاندىق دەلەگاتسيا اممان قالاسىنىڭ مەرى ومار ماانيمەن كەزدەستى. ال پارلامەنت دەپۋتاتتارى قۋانىش سۇلتانوۆ پەن كەنجەعالي ساعاديەۆ يوردانيا پارلامەنتىنىڭ سەناتىندا, مادەنيەت ءمينيسترى مۇحتار قۇل-مۇحاممەد وسى ەلدىڭ مادەنيەت مينيسترلىگىندە بولدى.
سۋرەتتى تۇسىرگەن يگور بۋرگاندينوۆ.
