استانا ۋاقىتىمەن ساعات 23:55-تەن باستاپ باسەكەنىڭ تۇساۋكەسەر كەشىن ەلىمىزدىڭ 4 تەلەارناسى − Qazaqstan, Qazsport, «حابار» جانە Jibek Joly تىكەلەي ەفيردە كورسەتەدى.
ۇلتتىق قۇرامالار شەرۋىندە مەملەكەتتىك تۋدى دەنيس نيكيشا (شورت-ترەك) مەن اياۋلىم امرەنوۆا (فريستايل-موگۋل) ۇستاپ شىعادى.
قىسقى وليمپيادا ويىندارى: ۇلاندىق سپورتشىلار ەل نامىسىن قورعايدى
ايتا كەتەيىك, اشىلۋ ءراسىمى 4 لوكاتسيادا قاتار وتەدى. دەنيس ميلان قالاسىندا, ال اياۋلىم شاڭعى جارىستارى وتەتىن ليۆينو كوممۋناسىنداعى راسىمدە بولادى. سالتاناتتى كەشتىڭ تاقىرىبى Armonia (يتاليان تىلىنەن اۋدارعاندا «گارمونيا», «ۇيلەسىم») دەپ اتالادى.
سونداي-اق بيىل وليمپيادا الاۋى العاش رەت 2 تۇستا تۇتانادى. ولار: ميلانداعى سالتانات قاقپاسى مەن كورتينا-د’امپەتستسوداعى پياتستسا دي-بونا الاڭى.
بارلىعى ميلان-كورتينا وليمپياداسىندا ەل نامىسىن 10 ديستسيپلينادا 36 سپورتشى (18 ەر, 18 ايەل) قورعايدى. جالپى دوداعا 93 مەملەكەتتەن 3000-عا جۋىق اتلەت قاتىسادى. ولار 16 باعدارلامادا 116 مەدال جيىنتىعىن ساراپقا سالادى. وليمپيادا 22 اقپاندا مارەسىنە جەتەدى. ۇلتتىق قۇراما سپورتشىلارى قاتىساتىن بارلىق سايىستى Qazaqstan, Qazsport, «حابار» جانە Jibek Joly تىكەلەي ەفيردە كورسەتەدى.
