فوتو: عىلىم جانە جوعارى ءبىلىم مينيسترلىگى
حالىقارالىق ىنتىماقتاستىقتى دامىتۋ اياسىندا قازاقستان دەلەگاتسياسى ۇندىستانداعى ۇلتتىق سوت-ەكسپەرتتىك عىلىم ۋنيۆەرسيتەتىنە (National Forensic Sciences University) بارىپ قايتتى. بۇل وقۋ ورنى ەلدە سوت ساراپتاماسى, كريميناليستيكا, تسيفرلىق ساراپتاما جانە سوت مەديتسيناسى سالاسىنداعى جەتەكشى مامانداندىرىلعان ۋنيۆەرسيتەت.
كەزدەسۋ بارىسىندا تاراپتار زاماناۋي ءبىلىم بەرۋ باعدارلامالارىن ەنگىزۋ, سونداي-اق تسيفرلىق كريميناليستيكا سالاسىندا عىلىمي-ادىستەمەلىك بازانى دامىتۋ تاجىريبەسىمەن ءبولىسۋ مۇمكىندىكتەرىن تالقىلادى. سونىمەن قاتار قازاقستاندا ۋنيۆەرسيتەت فيليالىن اشۋ ماسەلەسى قارالدى.
ارنايى نازار قازاقستاننىڭ قۇقىق قورعاۋ ورگاندارى قىزمەتكەرلەرىنە ارنالعان قوس ديپلومدىق ءبىلىم بەرۋ باعدارلامالارىن ىسكە قوسۋعا اۋدارىلدى. بۇل باستاما كريميناليستيكا مەن تسيفرلىق تەرگەۋ سالاسىنداعى مامانداردى دايارلاۋدا حالىقارالىق تاجىريبەنى قولدانۋعا مۇمكىندىك بەرەدى.
تاراپتار بىرلەسكەن ءبىلىم بەرۋ باعدارلامالارىن ىسكە اسىرۋ, پروفەسسورلىق-وقىتۋشىلىق قۇرام مەن ستۋدەنتتەردىڭ اكادەميالىق موبيلدىگىن دامىتۋ, سونداي-اق بىرلەسكەن عىلىمي زەرتتەۋلەر جۇرگىزۋ جانە ارنايى بىلىكتىلىكتى ارتتىرۋ كۋرستارىن ۇيىمداستىرۋ الەۋەتىن اتاپ ءوتتى.
كەزدەسۋدىڭ قورىتىندىسى بويىنشا تاراپتار بولاشاق ىنتىماقتاستىقتىڭ نەگىزگى باعىتتارىن ايقىندايتىن ءتيىستى حاتتاماعا قول قويدى.
ايتا كەتەيىك, 2026 جىلعى 4 جەلتوقساندا الماتىدا اقپاراتتىق تەحنولوگيالارعا ارنالعان PROFIT Healthcare Day كونفەرەنتسياسى وتەدى.
پرەزيدەنت الماتىدا بۇۇ ۋنيۆەرسيتەتىنىڭ وڭىرلىك فيليالىن قۇرۋدى ۇسىندى
