فوتو: ءىىم (ارحيۆ)
تەرگەۋ مالىمەتتەرى بويىنشا, اۋعانستان ازاماتى قانداس ەكەنىن كورسەتىپ, الەۋمەتتىك تولەمدەردى زاڭسىز العان. سول قارجىمەن ول 20 ملن تەڭگە تۇراتىن پاتەر ساتىپ العان.
سوت شەشىمى بويىنشا پاتەر مەملەكەت كىرىسىنە كونفيسكاتسيالانادى. شەشىم ءالى زاڭدى كۇشىنە ەنگەن جوق. تەرگەۋ جۇمىستارى جالعاسىپ جاتىر.
بۇعان دەيىن قازاقستان مەن موڭعوليا زەينەتاقى تاعايىنداۋدا ەڭبەك ءوتىلى بويىنشا ءوزارا ەسەپ جۇرگىزۋ تۋرالى كەلىسىمگە كەلگەنى بەلگىلى بولدى. ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ۆيكتوريا شەگاي قانداستارعا تولەمدەر قازاقستان ازاماتتىعىن العانعا دەيىن دە جالعاساتىنىن تۇسىندىرگەن.
شەتەل ازاماتتارى بولىپ تابىلاتىن ەتنيكالىق قازاقتارعا قازاقستاندا 10 جىل ءومىر ءسۇرىپ, جۇمىس ىستەۋگە مۇمكىندىك بەرەتىن 65 «اتا جولى» كارتاسى بەرىلگەن.
