دارىگەرلەر كەڭەسىنىڭ شەشىمى بويىنشا انا كەسار تىلىگى ارقىلى بوسانعان. وتا ءساتتى اياقتالىپ, بۇگىندە انا مەن بالانىڭ جاعدايى قاناعاتتانارلىق دەڭگەيدە دارىگەرلەردىڭ باقىلاۋىنا الىنعان.
جەرگىلىكتى جۇرت «قاجىمۇقان اتامىزدىڭ ءىزباسارى كەلدى» دەپ سۇيىنشىلەپ جاتقان وسى وقيعامەن سايكەس كەلگەن جاعىمدى جاڭالىقتى جەتكىزە كەتەلىك. ورداباسى اۋدانىنا قاراستى تەمىرلان اۋىلىندا 200 ورىندىق پەريناتالدىق ورتالىق قۇرىلىسى باستالدى. وبلىس اكىمى نۇرالحان كوشەروۆ نىساننىڭ كاپسۋلاسىن سالۋ ءراسىمىن وتكىزىپ, قۇرىلىس جۇمىستارىنىڭ بارىسىمەن تانىستى.
«بۇل مەديتسينالىق مەكەمە بولاشاقتا ورداباسى, بايدىبەك, سايرام, تۇلكىباس اۋداندارى مەن ارىس قالاسىنىڭ تۇرعىندارىنا قىزمەت ەتەدى. وسى ايماقتاردىڭ تۇرعىندارى ەندى وبلىس ورتالىعىنا سابىلماي, تەمىرلاندا قاجەتتى ەمدى قابىلدايدى. ويتكەنى, جاڭا پەريناتالدىق ورتالىق جۇكتى ايەلدەر مەن نارەستەلەرگە جوعارى دەڭگەيدەگى زاماناۋي مەديتسينالىق كومەك كورسەتەدى. بۇل – انا مەن بالا دەنساۋلىعىن ساقتاپ, دەموگرافيانى جاقسارتۋعا سەرپىن بەرەتىن ماڭىزدى باستاما», دەدى نۇرالحان كوشەروۆ.
پەريناتالدىق ورتالىق عيماراتىنىڭ جالپى الاڭى 34 233,30 شارشى مەتر بولسا, قۇرىلىس جۇرگىزىلەتىن جەر تەلىمىنىڭ جالپى اۋماعى – 8 گەكتار.
