جيىندى اشقان پرەمەر-مينيستر كاسىپكەرلىكتى دامىتۋ مەملەكەت باسشىسى ايقىنداعان باسىم باعىتتاردىڭ ءبىرى ەكەنىن ەرەكشە اتاپ ءوتتى. بيزنەس – ەكونوميكالىق رەفورمالار جۇرگىزۋدە باستى سەرىكتەس, بۇل جۇمىستا «اتامەكەن» ۇكپ ماڭىزدى ءرول اتقارادى.
ء«بىز بۇگىن سىزدەرمەن ەلىمىز ءۇشىن وتە ماڭىزدى, تاريحي ماڭىزى بار ساتتە كەزدەسىپ وتىرمىز. جارتى جىل بويى قوعامدا كونستيتۋتسيالىق رەفورمانى بەلسەندى تالقىلاۋ ءجۇرىپ جاتىر. ازاماتتاردان مىڭداعان ۇسىنىس كەلىپ جاتىر جانە ولاردىڭ بارلىعى تەرەڭ زەردەلەنىپ, ەسكەرىلىپ جاتىر. بۇل – ەلىمىزدەگى دەموكراتيالىق پروتسەستەردىڭ ايقىن دالەلى. ەلىمىزدىڭ جاڭا كونستيتۋتسياسىنىڭ جوباسى حالىققا ۇسىنىلدى, باستى ماقسات – ەگەمەندىگىمىزدى, تاۋەلسىزدىكتى نىعايتۋ. بارلىعىڭىزدى پرەزيدەنتىمىزدى جانە جاڭا كونستيتۋتسيانى قولداۋعا شاقىرامىن. سىزدەردىڭ قاراماقتارىڭىزدا مىڭداعان ازامات جۇمىس ىستەيدى. ولاردىڭ ارقايسىسىنا رەفورما مىندەتتەرىن دۇرىس جەتكىزۋ ماڭىزدى», دەپ اتاپ ءوتتى ولجاس بەكتەنوۆ.
جاڭا كونستيتۋتسيا جوباسىندا مەملەكەت باسشىسىنىڭ زاڭ جانە ءتارتىپ جاپپاي ۇستەمدىك قۇرعان ادىلەتتى قازاقستاندى قۇرۋ تۋرالى باعدارى كاسىپكەرلەر قاۋىمىنا ۇلكەن جاۋاپكەرشىلىك جۇكتەپ, ادال ەڭبەك, كاسىپكە دەگەن قۇرمەت, ەلگە جاناشىر بولۋ سياقتى قۇندىلىقتاردىڭ ماڭىزىن ارتتىرا تۇسەدى. ادىلدىك پەن زاڭدىلىق قاعيداتتارىن كونستيتۋتسيالىق دەڭگەيدە بەكىتۋ سەنىم مەن ۇزاقمەرزىمدى ارىپتەستىك ورتا قالىپتاستىرادى.
مەملەكەت باسشىسى بيزنەس وكىلدەرىن ۆولونتەرلىك قىزمەتكە قولداۋ كورسەتۋگە شاقىردى
كەڭەس بارىسىندا پرەزيدەنتتىڭ جاڭا سالىق ەرەجەلەرىن بىرتىندەپ ەنگىزۋگە قاتىستى تاپسىرماسىنىڭ ورىندالۋىنا نازار اۋدارىلدى. قاتىسۋشىلار سالىق تولەۋشىلەر ءۇشىن وتپەلى كەزەڭ مەن سالىقتىق اكىمشىلەندىرۋ ماسەلەلەرىن تالقىلادى.
قازاقستاندا كاسىپكەرلەردىڭ سالىقتىق اكىمشىلەندىرۋدىڭ جاڭا شارتتارىنا قولايلى كوشۋىن قامتاماسىز ەتۋ بويىنشا شارالار قابىلداندى. وسىلايشا, ۇكىمەتتىڭ شەشىمىمەن شاعىن جانە ميكروبيزنەس جەكەلەگەن جاعدايدى قوسپاعاندا, 2026 جىلعى 1 قاڭتارعا دەيىن تەكسەرۋلەردەن, كامەرالدىق باقىلاۋدان جانە اكىمشىلىك جاۋاپكەرشىلىكتەن بوساتىلدى. بيىلعى 1 ساۋىرگە دەيىن بەرەشەكتى تولەۋ كەزىندە ءوسىمپۇلدار مەن ايىپپۇلداردى ەسەپتەن شىعارۋ ەرەجەسى قولدانىلادى, قىزمەتتى جويۋ جانە توقتاتۋ راسىمدەرى قايتا قارالدى. 2026 جىلدىڭ سوڭىنا دەيىن شاعىن جانە ميكروبيزنەس ءۇشىن وتپەلى كەزەڭ ەنگىزىلدى, قاتەلەر ءۇشىن ءوسىمپۇلدار مەن ايىپپۇلدار الىنبايدى.
پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين ءبىر مەزگىلدە 250 مىڭعا دەيىن سالىق تولەۋشىگە قىزمەت كورسەتۋ مۇمكىندىگى بار جوبالىق كەڭسەنىڭ جۇمىسى تۋرالى باياندادى. جۇمىس وتىنىشتەردى جەدەل قاراۋمەن «بىرىڭعاي تەرەزە» قاعيداتى بويىنشا قۇرىلعان. سوڭعى ءۇش اپتادا سۇرانىستار اعىنىنىڭ 19,5 مىڭنان 7,1 مىڭعا دەيىن تومەندەۋى بايقالادى, بۇل تەحنيكالىق پروتسەستەردىڭ تۇراقتانعانىن كورسەتەدى. «حالىق بۋحگالتەرى» اكتسياسىنا 17 مىڭنان استام سالىق تولەۋشى قاتىستى. سونداي-اق سالىق جۇيەسىندە ازاماتتار مەن بيزنەستى تىركەۋدىڭ ءوسۋى بايقالعانى اتاپ ءوتىلدى. جىلدىڭ باسىنان بەرى 41,2 مىڭنان استام ادام قايتادان ەسەپكە الىندى. ءوزىن-ءوزى جۇمىسپەن قامتىعاندار ءۇشىن جاڭا رەجيم بۇرىن ەسەپكە الىنباعان 187,2 مىڭنان استام ادامدى زاڭدى ورتاعا شىعاردى.
1 ميلليوننان 13 ميلليونعا دەيىن: تاۋارلاردىڭ ۇلتتىق كاتالوگى بيزنەسكە قالاي اسەر ەتەدى؟
بيزنەستى قارجىلىق قولداۋ شارالارى كۇشەيتىلىپ جاتىر. 2025 جىلى قولدانىستاعى باعدارلامالار شەڭبەرىندە جالپى قۇنى 365 ملرد تەڭگە بولاتىن 3,4 مىڭعا جۋىق شوب جوباسى سۋبسيديالاندى.
«اتامەكەن» ۇكپ تورالقا توراعاسى قانات شارلاپاەۆ مەملەكەت پەن بيزنەستىڭ ءوزارا ءىس-قيمىلىن نىعايتۋ بويىنشا جۇرگىزىلىپ جاتقان جۇمىستار تۋرالى حاباردار ەتتى. مەملەكەت باسشىسى قويعان مىندەتتەر شەڭبەرىندە «اتامەكەن» ۇكپ ورتا جانە ءىرى بيزنەس اراسىنان ىشكى ينۆەستورلاردى دامىتۋعا نازار اۋدارادى, كەڭەيتۋگە جانە جاڭعىرتۋعا دايىن جۇمىس ىستەپ تۇرعان كاسىپورىنداردىڭ ينۆەستيتسيالىق جوبالارىنىڭ پۋلىن قالىپتاستىرۋمەن اينالىسادى.
«اتامەكەن» ۇكپ باسقارما مۇشەسى – باسقارما توراعاسىنىڭ ورىنباسارى تيمۋر جاركەنوۆ ارنايى سالىق رەجيمىن قولدانۋعا جانە دەنساۋلىق ساقتاۋ سەكتورىنا سالىق سالۋ تاسىلدەرىن قايتا قاراۋعا بايلانىستى ماسەلەلەردى شەشۋ جولدارىن ۇسىنا وتىرىپ, جاڭا سالىق كودەكسىنىڭ ەرەجەلەرى بويىنشا بيزنەس-قوعامداستىقتىڭ ۇستانىمىن ايتتى.
سونداي-اق وتاندىق تاۋار وندىرۋشىلەردىڭ ءتىزىلىمىن ىسكە قوسۋ بارىسى قارالدى. ونەركاسىپ جانە قۇرىلىس ءمينيسترى ەرسايىن ناعاسپاەۆ بۇگىنگى تاڭدا جۇيەگە 5 608 كومپانيا اۆتوريزاتسيالانعانىن, 13 533 ءوتىنىم بەرىلگەنىن باياندادى. باسقارما مۇشەسى – «اتامەكەن» ۇكپ باسقارما توراعاسىنىڭ ورىنباسارى نۇرسۇلتان شوقانوۆ ءوز كەزەگىندە جاڭا تسيفرلىق جۇيەگە ۇزدىكسىز كوشۋ ءۇشىن قولدانىستاعى يندۋستريالىق سەرتيفيكاتتاردىڭ 1 924 يەسى اۆتوماتتى تۇردە تىزىلىمگە كوشىرىلگەنىن اتاپ ءوتتى. وعان كۇن سايىن 100-گە تارتا ءوندىرۋشى كىرەدى.
بيزنەس-قوعامداستىق اتىنان «الماتى بوياۋلارى» جشس ديرەكتورى ريمما سالىقوۆا, «قازەلەكتروماش» جشس ديرەكتورى ۆيتالي راسپوپين ۇسىنىستار مەن سۇراقتار قويدى. اتاپ ايتقاندا, شوب-پەن ءوزارا ءىس-قيمىلدى, مەملەكەتتىك ساتىپ الۋ پراكتيكاسىن جانە سالالىق تالاپتاردى ەسكەرە وتىرىپ, سالىقتىق اكىمشىلەندىرۋدىڭ جەكەلەگەن اسپەكتىلەرىن رەتتەۋ قاجەتتىلىگى ايتىلدى. سونداي-اق كاسىپورىنداردى وندىرىستىك تسيكل دەڭگەيى مەن اۋقىمى بويىنشا ساناتتارعا ءبولۋدى ەنگىزۋ, مەملەكەتتىك قولداۋ شارالارى مەن مەملەكەتتىك تاپسىرىستى لوكاليزاتسيالاۋ جانە ينۆەستيتسيالاۋ دەڭگەيىنە بايلانىستىرۋ, سونداي-اق تىزىلىمنەن ونىمدەردى پايدالانۋدى ناقتى ءارى ءادىل تسيفرلىق باقىلاۋدى قامتاماسىز ەتۋ ارقىلى قازاقستاننىڭ تاۋار وندىرۋشىلەر ءتىزىلىمىن جەتىلدىرۋگە قاتىستى ودان ءارى جۇمىس بويىنشا ۇسىنىس ايتىلدى.
پرەمەر-مينيستر بيزنەستىڭ ايتىلعان باستامالارىنا پىكىر ءبىلدىرىپ, مەملەكەتتىك ورگاندارعا «اتامەكەن» ۇكپ-مەن بىرلەسىپ ۇسىنىستاردى جان-جاقتى پىسىقتاۋدى جانە ناقتى ناتيجەنى قامتاماسىز ەتۋدى تاپسىردى. شەشىمدەر تۇراقتى ءوسۋدى قولداۋ, ناقتى سەكتوردى نىعايتۋ, ەكسپورتتىق مۇمكىندىكتەردى كەڭەيتۋ جانە جۇمىس ورىندارىن اشۋ بويىنشا وڭ ەكونوميكالىق ناتيجە بەرۋى كەرەكتىگى اتاپ ءوتىلدى.
