فوتو: kolesa.kz
جوبا اۆتوموبيل ونەركاسىبىندە لوكاليزاتسيانى تەرەڭدەتۋگە جانە يمپورتقا تاۋەلدىلىكتى ازايتۋعا باعىتتالعان. Astana Motors كومپانياسىنىڭ قاتىسۋىمەن جۇزەگە اسىرىلادى.
بەس جىلدا 5 ەسە ءوسىم: قاي وبلىستاردا اۆتوبولشەكتەر باعاسى شارىقتاپ تۇر؟
جاڭا كاسىپورىن قازاقستاندا اليۋميني دوڭگەلەك ديسكىلەرىن ءوندىرۋ بويىنشا تولىق تەحنولوگيالىق تسيكلمەن, ونىڭ ىشىندە وزىق ينجەنەرلىك جانە وندىرىستىك شەشىمدەردى ترانسفەرلەۋدى قامتيتىن العاشقى زاماناۋي ءوندىرىس بولادى.
شەتەلدىك سەرىكتەستەر قازاقستاننىڭ جوبانى جۇزەگە اسىرۋ الاڭى رەتىندە تاڭدالۋى ەلدەگى اۆتوموبيل ءوندىرىسىنىڭ تۇراقتى وسۋىمەن بايلانىستى ەكەنىن اتاپ ءوتتى. كەزدەسۋ قورىتىندىسى بويىنشا بىرلەسكەن كاسىپورىن قۇرۋ تۋرالى ۇشجاقتى مەموراندۋمعا قول قويىلدى.
مەموراندۋمعا قول قويۋ راسىمىنە Astana Motors نەگىزىن قالاۋشى نۇرلان سماعۇلوۆ, Astana Motors باس ديرەكتورى بەكنۋر نەسىپباەۆ, Open Element نەگىزىن قالاۋشى جانە باس ديرەكتورى مۋستافا اككاري, Hands Corporation ديرەكتورلار كەڭەسىنىڭ توراعاسى سىن حەن چان, سونداي-اق قازاقستاننىڭ اۆتوكولىك وداعىنىڭ پرەزيدەنتى انار ماكاشەۆا قاتىستى.
بۇل جوبانى جۇزەگە اسىرۋ قازاقستاننىڭ تەك ىشكى نارىق ءۇشىن عانا ەمەس, سونىمەن قاتار وڭىرلىك نارىقتار ءۇشىن دە ءىرى اۆتوكومپونەنتتەر ءوندىرۋشىسى جانە جەتكىزۋشىسى رولىنە كوشۋ جونىندەگى ۇزاقمەرزىمدى ستراتەگياسىنىڭ ءبىر بولىگى بولىپ سانالادى.
