ۇشەمنىڭ اتا-اناسى قۇرمانعازى اۋدانىنداعى سافون اۋىلىندا تۇرادى. جاس وتباسى 2016 جىلى وتاۋ قۇرعان. بۇعان دەيىن مۇرابەك قۇماروۆ پەن اراي ەرعاليەۆا – ءبىر ۇل مەن ءبىر قىزدىڭ اتا-اناسى. ەندى كوپبالالى وتباسىنا اينالدى. «ومىرگە ءۇش ۇلدى امان-ەسەن اكەلگەن كەلىنىمىزگە ريزامىز. بىردەن ءۇش ءسابيدى بوسانۋ وڭاي ەمەس. نەمەرەلەرىن اجەسى ۇيدە كۇتىپ وتىر. سابيلەرگە نۇريسلام, نۇريمان, نۇرمۇحامبەت ەسىمىن بەردىك. پەريناتالدىق ورتالىق دارىگەرلەرىنىڭ ەڭبەگىنە تابىس تىلەيمىز», دەيدى ۇشەمنىڭ اتاسى سالىق يسپەرگەنوۆ.
وبلىستىق دەنساۋلىق ساقتاۋ باسقارماسىنىڭ باسشىسى قايسار ابداليەۆتىڭ ايتۋىنشا, جىل سايىن 170-كە جۋىق ەگىز دۇنيەگە كەلەدى. ال بۇل ءۇش ۇل – بيىلعى ەكىنشى ۇشەم.
ۇشەمنىڭ اناسى اۋىلداعى مەكتەپتە جۇمىس ىستەيدى. تاريح پانىنەن ساباق بەرەدى. اكەسى بىلتىر قۇرمانعازى اۋداندىق پوليتسيا بولىمىنە جۇمىسقا ورنالاسىپتى.
«ومىرگە ءسابي اكەلۋ – ءار انانىڭ ارمانى ءارى ەرەكشە باقىتى. دارىگەرلەر سابيلەرىمنىڭ امان-ەسەن دۇنيەگە كەلۋىنە كوپ قولداۋ كورسەتتى», دەيدى اراي ەرعاليەۆا.
اتىراۋ وبلىسى
