اۋستراليانىڭ سيدنەي قالاسىندا وتكەن ايقاستا جانىبەك ءالىمحان ۇلى 2-راۋندتىڭ سوڭىنا قاراي قارسىلاسىن نوكداۋنعا ءتۇسىر-گەن, ءميحايلوۆيچتى گونگ سىڭعىرى قۇتقارىپ قالدى. دەگەنمەن دە سانكت-پەتەربۋرگتە تۋىپ, ءجاسوسپىرىم شاعىنان جاڭا زەلاندياعا قونىس اۋدارعان اندرەي ميحايلوۆيچ ءتوزىمدى-اق ەكەن. 12 راۋندتىق جەكپە-جەكتى جانىبەك ورتا جولدا اياقتاپ, قارسىلاسىن ۇرىپ قۇلاتتى. كاسىپقوي بوكستا وسى ۋاقىتقا دەيىن 15 ايقاس وتكىزىپ, 10 جەكپە-جەكتە مەرزىمىنەن بۇرىن جەڭىسكە جەتكەن جانىبەكتىڭ تەگەۋرىنىنە اندرەي اقىرىنا دەيىن توتەپ بەرە المادى. اندرەي دە وسال ەمەس, كاسىپقوي بوكستا وتكەرگەن 21 ايقاسىنىڭ بارلىعىندا جەڭىسكە جەتكەن جامپوز. تارتىستان كەيىن جانىبەك قارسىلاسىنىڭ قاۋقارى قاي راۋندقا دەيىن جەتەتىنىن شامالاۋدى جوسپار-لاعانىن ايتتى. «جەكپە-جەك الدىنداعى ءباسپاسوز ءماسليحاتىندا ول «اۋزىمەن وراق وردى». ءتىپتى قىزدى-قىزدىمەن «نوكاۋتپەن جەڭەمىن» دەگەن ەدى. 5-راۋندتا سۇلاتىپ سالۋ تۋرالى ويلادىق, بىراق ونىڭ وسى ۋاقىتقا دەيىنگى ايتقانى ءۇشىن تاعى دا «سىباعاسىن» بەرگىمىز كەلدى», دەدى جانىبەك ءالىمحان ۇلى.
بۇل جەكپە-جەك شىلدە ايىندا وتۋگە ءتيىس ەدى. جاتتىعۋ بارىسىندا جانىبەكتىڭ دەنساۋلىعى سىر بەرىپ, تارتىس كەيىنگە شەگەرىلدى. اۋرۋحانادا ەمدەلگەندە اندرەي الەۋمەتتىك جەلىدە قارسىلاسىن كەلەمەجدەپ بەينەجازبا دا ءتۇسىردى. بۇل ارەكەتىنە جاۋاپ قايىرعان جانىبەك ايقاس كەزىندە «ايامايتىنىن» ايتقان ەدى.
ەكى نۇسقادا الەم چەمپيونى اتاعىن قورعاعان ساڭلاق دومينيكاندىق كارلوس ادامەس (WBC نۇسقاسى بويىنشا الەم چەمپيو-نى) پەن كۋبالىق ەريسلاندي لارانىڭ (WBا نۇسقاسىنىڭ التىن بەلبەۋ يەگەرى) قاي-قايسىسىمەن دە ايقاسۋعا ءازىر ەكەنىن ەسكەرتىپ, جەكپە-جەككە شاقىردى.
