فوتو موي گورود
شافكات جازيلوۆ اعىمداعى جىلدىڭ كوكتەمىندە بايتەرەك اۋدانىنداعى بوگات كەنتىنە, ەگىن شارۋاشىلىعىنا ماۋسىمدىق جۇمىسقا كەلگەن. شارۋا قوجالىعىنىڭ اۋماعىنداعى ۋاقىتشا عيماراتتا ونىمەن بىرگە تاعى 15 جەرلەسىمىز تۇرعان. ءساۋىر ايىنىڭ سوڭىندا جازيلوۆ پەن ونىڭ ارىپتەسى ۋساروۆتىڭ اراسىندا جانجال تۋىنداپ, وعان ۋساروۆتىڭ وندىرىستىك كاسىپورىن باسشىسىنا جۇمىستا بولىپ جاتقاننىڭ ءبارىن ايتىپ بەرگەنى سەبەپ بولعان.
«مامىردىڭ 9-ى كۇنى كەشكە جازيلوۆ پەن تاعى ون ادام ءبىرىنىڭ تۋعان كۇنىن تويلاۋعا كىرىسەدى. بىرنەشە ساعاتتان كەيىن جازيلوۆ پەن ۋساروۆتىڭ اراسىندا تاڭعى اس ازىرلەۋگە بايلانىستى تاعى دا اۋىزشا جانجال تۋىندايدى. ەلەۋسىز سىلتاۋدى پايدالانىپ, سوتتالۋشى اگرەسسيا كورسەتىپ, سارايدان بالتا الىپ شىعىپ, قارسىلاسىنا لاقتىرعان. الايدا ول ءمۇلت كەتەدى. جازيلوۆ سوندا دا تىنىشتالماي, قورادان ايىر الىپ, ۋساروۆتى وزىنە شاقىرادى. سول كەزدە شارۋا قوجالىعىنىڭ باسقا قىزمەتكەرلەرى سوتتالۋشىنى كوشەگە الىپ شىعادى», دەدى پروكۋرور جاندوس جۇبانوۆ.
سوسىن جازيلوۆ بەنزين قۇيىلعان قۇتىنى الىپ, عيماراتقا كىرىپ, ء«بارىڭدى ولتىرەمىن» دەپ ىدىستىڭ قاقپاعىن اشىپ, جانىپ تۇرعان گاز پليتاسىنا لاقتىرىپ جىبەرگەن. وقيعا ورنىندا بىردەن ءورت شىعىپ, كۇيىك العان ءتورت ەر ادام سول جەردە كوز جۇمادى, تاعى ءبىر ادام تەرميالىق كۇيىك الادى. ولاردىڭ اراسىندا ۋساروۆ بولعان جوق.
مەملەكەتتىك ايىپتاۋشى جازيلوۆتىڭ ەكىدەن كوپ ادامدى ولتىرۋىنە بايلانىستى, وعان تاعىلعان ايىپتى تولىعىمەن قولدايتىنىن جەتكىزدى.
ايتا كەتەيىك, شافقات جازيلوۆ ورىس ءتىلىن مۇلدە بىلمەيدى, تەك اۋدارماشىنىڭ كومەگىمەن سويلەسەدى. ول ايىپتاۋ قورىتىندىسىمەن كەلىسپەيتىنىن ايتتى جانە القابيلەردىڭ سوتقا قاتىسۋىنان باس تارتتى. ءىستى سۋديا اسلانبەك دۇيسەنعاليەۆ قارايدى.
