پامير تاۋىنىڭ ەتەگىندە وتەتىن دودادا ەلىمىزدىڭ جاستار قۇراماسىنىڭ اعا جاتتىقتىرۋشىسى ەرمەك يمانبەكوۆ مىنا شاكىرتتەرىنە سەنىم ارتتى: ۇلدار – تالعات ورىنباسار, الديار قارعۇلوۆ (60 كگ), اقىلجان جۇباتقانوۆ, ماعجان ءالجانوۆ (66 كگ), ادىلەت المات (73 كگ), ازات كۇمىسباي (81 كگ), دوسبول بالعاباي (81 كگ), اسقار ءبىرجانوۆ (90 كگ), جانتىلەك نۇرتىلەپ ۇلى (+100 كگ), شەرحان الپانوۆ (+100 كگ, كوماندالىق سايىستا). قىزدار – سابينا يۋلداشبەكوۆا, ءتاسنيم ءابدۋالي (48 كگ), اياۋلىم قايرات, ارۋجان ەرەجەپوۆا (52 كگ), دانا ءابدىروۆا (57 كگ), كوركەم ورىمبەك (63 كگ), اجار اسحات (70 كگ), ديانا تەلباەۆا (78 كگ), رۋسلانا ماقاتوۆا (+78 كگ). قىزداردىڭ 78 كگ, ۇلداردىڭ 100 كگ سالماق دارەجەلەرىندە بالۋاندارىمىز قاتىسپايدى. سەبەبى بۇل سالماقتارداعى سپورتشىلارىمىز وسال. سول سەبەپتى دە باپكەرلەر بايراقتى باسەكەگە ەشكىمدى قوسپاۋدى قۇپ كوردى.
– قازىرگى كەزدە دزيۋدو كۇرەسى الەمنىڭ كوپتەگەن مەملەكەتىندە قارقىندى دامىپ جاتىر. الپاۋىتتاردى ايتپاعاندا, ىرگەمىزدەگى وزبەكستان, تاجىكستان, قىرعىزستان بالۋاندارىن ۇتۋدىڭ ءوزى وڭاي شارۋا ەمەس. سول سەبەپتى كوماندا ساپىنا كىل كۇشتىلەردى ىرىكتەپ الىپ, دايىندىق جۇمىسىن تىڭعىلىقتى جۇرگىزدىك. الەم بىرىنشىلىگىنە دايارلىق جۇمىسى ءۇش كەزەڭدى قۇرادى. العاشىندا قىرعىزستاننىڭ ىستىقكول وڭىرىندە جينالدىق. ودان كەيىن تۇركىستان وبلىسىنداعى «الما-تاۋ» بازاسىندا شىنىقتىق. ال سوڭعى دايىندىعىمىزدى الماتىدا پىسىقتادىق. ەندى دۋشانبەدەگى دودادا جاسوسپىرىمدەر جاسىنداي جارقىلداپ, جەڭىس تۇعىرىنا كوتەرىلۋ ءۇشىن ەش ايانىپ قالمايدى, – دەيدى ەرمەك يمانبەكوۆ.
