م.اشىمباەۆ پراۆوسلاۆتاردى اتالعان ماڭىزدى وقيعامەن قۇتتىقتاپ, قازاقستاندا ازاماتتارعا وزدەرىنىڭ ءدىني جانە رۋحاني قاجەتتىلىكتەرىن ىسكە اسىرۋى ءۇشىن بارلىق جاعداي جاسالىپ جاتقانىن اتاپ ءوتتى. الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ باسشىسى پراۆوسلاۆيە ەلىمىزدەگى بىرلىك پەن كەلىسىمدى نىعايتۋدا ماڭىزدى ءرول اتقاراتىنىنا دا نازار اۋداردى. سونداي-اق ءدىني قىزمەتكەرلەر جالپىادامزاتتىق رۋحاني قۇندىلىقتاردى ساقتاۋعا جانە دارىپتەۋگە ەلەۋلى ۇلەس قوسىپ وتىرعانى ايتىلدى.
قاسيەتتى ماسكەۋ ماتروناسىنىڭ جادىگەرلەرىن قازاقستانعا اكەلۋ دە وسى ماڭىزدى كۇنگە وراي ۇيىمداستىرىلعانىن اتاپ وتكەن ءجون. بۇل كيەلى مۇرالاردى 27 قىركۇيەك پەن 4 قاراشا ارالىعىندا قازاقستان ميتروپوليتتىك وكرۋگىنىڭ بارلىق ەپارحياسىنا اپارۋ كوزدەلىپ وتىر.
سالتاناتتى ءىس-شاراعا استانا جانە قازاقستان ءميتروپوليتى الەكساندر, بۇكىل بەلارۋس پاتريارحى ەكزارح, مينسك جانە زاسلاۆسكي ءميتروپوليتى ۆەنيامين, ەكاتەرينبۋرگ جانە ۆەرحوتۋر ءميتروپوليتى ەۆگەني, سونداي-اق باسقا دا رۋحاني وكىلدەر مەن شىركەۋ قىزمەتشىلەرى قاتىستى.
