kff_team_futsal
ءبىرىنشى تايمدا ويىن دەڭگەيى دە, ەسەپ تە تەڭ بولعان. الايدا ەكىنشى تايمدا ارگەنتينالىقتار التى رەت دوپ سوقتى. ويىن ارگەنتينانىڭ پايداسىنا 1:6 ەسەبىمەن اياقتالدى.
قازاقستان فۋتبولشىلارى سوققان جالعىز گولدىڭ اۆتورى - داۋرەن تۇرساعۇلوۆ.
وسىلايشا, ارگەنتينا جارتىلاي فينالعا ءوتىپ, وندا فرانتسيامەن كەزدەسەدى, ال قازاقستان جارىستى وسى جەردەن اياقتايدى.
ايتا كەتەيىك, 2024 جىلعى الەم چەمپيوناتىنىڭ توپتىق كەزەڭىندە قازاقستان قۇراماسى جەتى ۇپاي جيناپ, D توبىندا ەكىنشى ورىن الدى. ءتۋرنيردىڭ باسىندا قازاقستان يسپانيامەن (1:1) تەڭ وينادى, سودان كەيىن ليۆيانى (4:1) جانە جاڭا زەلانديانى (10:0) جەڭدى.
1/8 فينالدا قازاقستان قۇراماسى قازىرگى الەم چەمپيونى پورتۋگاليا قۇراماسىن (2:1) جارىستان شىعارىپ, سەنساتسيا جاسادى.
