فوتو: سەناتتىڭ ءباسپاسوز قىزمەتى
قايرات تاستەكەەۆ اتوم ەلەكتر ستانتسياسىن سالۋ – قازاقستاننىڭ ەنەرگەتيكالىق قاۋىپسىزدىگىن قامتاماسىز ەتۋدىڭ نەگىزگى قادامى ەكەندىگىنە نازار اۋداردى. ول اتوم ەلەكتر ستانتسياسى ەلەكتر ەنەرگياسىنىڭ تاپشىلىعىن ازايتا وتىرىپ, ەلىمىزدى ەنەرگيامەن جابدىقتاۋدا تۇراقتىلىق پەن سەنىمدىلىكتى قامتاماسىز ەتەتىنىن, سونداي-اق ۇزاق مەرزىمدى ەكونوميكالىق پايدا اكەلەتىنىن اتاپ ءوتتى.
سەناتور اتوم ەنەرگەتيكاسىن دامىتۋ جوعارى تەحنولوگيالىق شەشىمدەردى ەنگىزۋگە ىقپال ەتەتىنىن, سونداي-اق وتاندىق عىلىم مەن بىلىمگە وڭ اسەر ەتەتىنىن اتاپ ءوتتى.
«اەس سالۋ – بۇل جاي عانا ستراتەگيالىق شەشىم ەمەس, بۇل بولاشاق ۇرپاق ءۇشىن قازاقستاننىڭ الداعى جىلدارعا تۇراقتى دامۋىن قامتاماسىز ەتەتىن ماڭىزدى قادام», دەپ اتاپ ءوتتى قايرات تاستەكەەۆ.
كەزدەسۋ بارىسىندا ءوڭىردىڭ ەكونوميكالىق دامۋى جانە اتوم ەنەرگەتيكاسىنىڭ عىلىمدى قاجەتسىنەتىن تەحنولوگيالاردى جەدەل دامىتۋ جونىندەگى ماسەلەلەر تالقىلاندى. رەسپۋبليكالىق حالىق شتابىنىڭ مۇشەلەرى قازاقستاننىڭ ءاربىر ازاماتىنىڭ الداعى رەفەرەندۋمعا قاتىسۋى ەلدىڭ بولاشاعى ءۇشىن اسا ماڭىزدى ەكەنىن اتاپ ءوتتى.
كەزدەسۋ بەلسەندى پىكىرلەسۋ تۇرىندە ءوتتى جانە وندا تۇرعىندار جوبانىڭ قاۋىپسىزدىگى مەن ەكولوگيالىق ماسەلەلەرىنە قاتىستى سۇراقتار قويدى. قويىلعان بارلىق سۇراققا تولىق جاۋاپ بەرىلدى.
