ينفوگرافيكانى جاساعان – امانگەلدى قياس, «EQ»
باعا وسىمىنە وبەكتيۆتى سەبەپتەرمەن قاتار, سۋبەكتيۆتى سەبەپتەر دە اسەر ەتىپ وتىر. جۋىردا ەكونوميكالىق تەرگەۋ دەپارتامەنتى مەن ساۋدا دەپارتامەنتىنىڭ الەۋمەتتىك ماڭىزدى تاۋارلارعا قاتىستى بىرلەسكەن تەكسەرىس جۇمىستارىنىڭ ناتيجەسى جاريالاندى. جىل باسىنان بەرى 15 شارۋاشىلىق جۇرگىزۋشى سۋبەكتىنىڭ الەۋمەتتىك ماڭىزى بار تاۋارلارعا ۇستەمە باعا قوسۋدى شەكتەن تىس اسىرىپ جىبەرۋىنىڭ 23 فاكتىسى انىقتالعان. سونىڭ ىشىندە 5-ەۋى – سۋپەرماركەت جەلىسى, 6-اۋى – كوتەرمە كومپانيالار, 3-ەۋى بولشەك ساۋدا دۇكەندەرىنەن انىقتالعان. ەكونوميكالىق تەرگەۋ دەپارتامەنتى باسشىسىنىڭ ورىنباسارى ماكسيم پاحنو «بارلىق 15 سۋبەكتى دە اقبك ءتيىستى باپتارىنا سايكەس ەسكەرتۋ تۇرىندەگى اكىمشىلىك جاۋاپكەرشىلىككە تارتىلدى. سونىڭ ىشىندە ءبىر جىل ىشىندە قايتالاپ قۇقىق بۇزۋشىلىق جاساعان 2 كوتەرمە ساۋدا كاسىپورنىنا ايىپپۇل سالىندى», دەدى.
تەكسەرىس بارىسىندا تاۋارلاردىڭ كەلەسى تۇرلەرىنە بايلانىستى بۇزۋشىلىقتار انىقتالعان: كۇنباعىس مايى – 9 فاكت; ۇن – 4 فاكت; كۇرىش – 2 فاكت; تۇز – 3 فاكت; جۇمىرتقا, تاۋىق ەتى, ايران, قاراقۇمىق, سارىماي – 1 فاكتتان. «قازىر تاۋارلاردىڭ بارلىق پوزيتسياسىنداعى بۇزۋشىلىق جويىلعان. باعالار رۇقسات ەتىلگەن ۇستەمە شەگىنە تومەندەتىلدى» دەدى م.پاحنو.
الەۋمەتتىك, ءبىلىم بەرۋ, مەديتسينالىق مەكەمەلەردىڭ ازىق-ت ۇلىك ونىمدەرىن ساتىپ الۋ ماسەلەسى دە تەكسەرىلىپ, مۇندا دا بىرقاتار ورەسكەلدىك تابىلعان. سونىڭ ىشىندە بالاباقشالاردىڭ ازىق-ت ۇلىك ونىمدەرىن جوعارى باعامەن ساتىپ الۋ فاكتىلەرى انىقتالعان. سونىمەن بىرگە وبلىستاعى ءبىلىم بەرۋ ۇيىمدارىندا الەۋمەتتىك ماڭىزدى تاۋارلاردىڭ ساتىپ الۋ باعاسىن تومەندەتۋ جۇمىستارى جۇرگىزىلىپ, ولاردىڭ قورىتىندىسى نەگىزىندە 458 مەكتەپكە دەيىنگى مەكەمەدە 17 مىڭ بالانىڭ اتا-اناسىنا قولداۋ قورىنان اقشا ۇنەمدەۋگە مۇمكىندىك تۋعان.
ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىنىڭ باسشىسى قانات جەڭىسبەك ۇلىنىڭ ايتۋىنا قاراعاندا, بيىل تۇتىنۋشىلاردان 342 ءوتىنىش شاعىم تۇسكەن. ونىڭ 127-ءسى – «ە-otinish», 91-ءى – Telegram-bot, 66-سى – «جەدەل جەلى» تەلەفونى, 66-سى – اۋىزشا جۇگىنۋ مەن 58-ءى تۇتىنۋشىلاردى قابىلداۋ كەزىندە ءتۇسىپتى.
«دەپارتامەنت تۇتىنۋشىلار قۇقىعىن قورعاپ, ولارعا 4,5 ملن تەڭگەنىڭ اقشالاي قاراجاتىن قايتاردى. سونىڭ ىشىندە بولشەك ساۋدا سالاسىندا – 1,9 ملن, ەلەكتروندى ساۋدا سالاسىندا – 1,2 ملن, تۇرمىستىق قىزمەت كورسەتۋ سالاسىندا 1,3 ملن تەڭگە مولشەرىندە اقشالاي قاراجاتتى قايتارۋعا جاردەم كورسەتتى», دەدى قانات جەڭىسبەك ۇلى.
بيىل دەپارتامەنت تۇتىنۋشىلار قۇقىعىن قورعاۋ تۋرالى زاڭنامانىڭ بۇزىلۋىنا بايلانىستى اكىمشىلىك جازا قولدانۋ تۋرالى 13 قاۋلى شىعارىپتى. سونداي-اق ساۋدا قىزمەتىن رەتتەۋ سالاسىنداعى زاڭنامانى بۇزعان 106 كاسىپكەرلىك سۋبەكتىسىن اكىمشىلىك جاۋاپكەرشىلىككە تارتقان. ولاردىڭ ىشىندە الەۋمەتتىك ماڭىزى بار ازىق-ت ۇلىك تاۋارلارىنا ء(امات) ساۋدا ۇستەمەسىنىڭ مولشەرىن ارتتىرعان 105 كاسىپكەرلىك سۋبەكتىسى جازالانعان.
اتالعان بۇزۋشىلىقتار تاۋارلاردى ساتىپ الۋ مەن وتكىزۋدىڭ ەلەكتروندىق شوت-فاكتۋرالارىن تالداۋ, سونداي-اق الەۋمەتتىك ماڭىزى بار ازىق-ت ۇلىك تاۋارلارىنا باعالاردى مونيتورينگتەۋ دەرەكتەرى بارىسىندا انىقتالعان.
سولتۇستىك قازاقستان وبلىسى
