ماماندىقتى دۇرىس تاڭداۋ ماڭىزدى

جولداۋدا ەلىمىزدىڭ ساياسي جانە الەۋ­مەتتىك-ەكونو­ميكالىق دامۋ كەلەشەگىنە قاتىستى ماسە­لەلەر بايان­دالدى. اسىرەسە مەنىڭ نازارىمدى اۋدارت­قانى – ازاماتتاردىڭ تابىسىن ارتتىرۋ جانە وسى جولمەن ءجۇرۋ ءۇشىن ءادىل قوعام قۇرۋ. اتالعان ماقساتقا قول جەتكىزۋگە بارلىق مۇمكىندىك بار. مەملەكەتتىك باسقارۋ تيىمدىلىگىن, ادىلدىگىن جەتىلدىرۋ, زاڭ ۇستەمدىگىن جوعارى دەڭگەيگە كوتەرۋ ءوز ناتيجەسىن بەرەتىنى انىق.

ءبىر اتاپ وتەرلىگى, ەل پرەزيدەنتى ءبىر باعىتقا باسىمدىق بەرمەستەن بارلىعىن تەڭدەي قامتىپ, ناقتى جۇمىستاردى ايقىندادى. سىرتقى جانە ىشكى ساياسات, سونداي-اق الەۋمەتتىك-ساياسي بلوكتىڭ دامۋى دا – باستى نازاردا. ءيا, ساياسي قۇجاتتا كوپتەگەن باعىت بويىنشا اتقارىلاتىن مىندەت­تەر العا قويىلدى. كەلەسى جىل جۇمىسشى ماماندىق­تارى جىلى بولىپ جاريالانعانى كوپشىلىكتىڭ قولداۋىنا يە بولدى. ايتپەسە, كەيىنگى جىلدارى ءتۇرلى تۇيتكىل ەلى­مىزدەگى قاراپايىم جۇمىسشىلاردىڭ تاپشىلىعىن كور­سەتىپ بەردى. بۇل ولقىلىقتىڭ شەشىمىن تابۋ جولىندا بۇكىل ەل بولىپ جاستارىمىزدىڭ بولاشاق ماماندىعىن دۇرىس تاڭداۋىنا ىقپال ەتۋىمىز ماڭىزدى. ماماندىقتار جاس­تار تاراپىنان قىزىعۋشىلىق تانىتاتىن دەڭگەيدە بولۋعا ءتيىس.

سونداي-اق جولداۋدا ءبىلىم سالاسىنا قاتىستى ماڭىزدى دۇنيەلەر ايتىلدى. كەيىنگى جىلدارى پرەزي­دەنتىمىزدىڭ ءبىلىم سالاسىن جاقسارتۋعا, مۇعالىم­دەردى الەۋمەتتىك قولداۋعا ءجىتى كوڭىل ءبولىپ جۇرگەنى قۋانتادى. «جايلى مەكتەپ» جوباسىمەن زاماناۋي تالاپتىڭ بارىنە جاۋاپ بەرەتىن ءبىلىم وشاقتارىنىڭ اشىلا باستاۋى – ءسوزىمىزدىڭ ايعاعى. ەندى بالالارىمىز ساپالى ءبىلىم الىپ قانا قويماي, ونى ودان ءارى دامىتۋعا دا مۇمكىندىك الماق. ولاردان ەر­تەڭى ەلگە قاجەتتى بىلىكتى ماماندار شىعاتىنىنا سەنىم مول.

جولداۋدا ايتىلعان ەلىمىزدىڭ ودان ءارى الەۋمەتتىك-ەكونوميكالىق دامۋىنا, اقشا-نەسيە جانە سالىق-بيۋدجەت ساياساتىنىڭ اراسىنداعى تەڭگەرىمسىزدىكتى جويۋعا, ينۆەستيتسيالىق احۋال مەن بيزنەستى جۇرگىزۋ جاعدايلارىن جاقسارتۋعا, ونەركاسىپتىك الەۋەتتى تولىق اشۋعا باعىتتالعان بىرقاتار باستامانىڭ ورنى بولەك. ەلدىڭ كادرلىق الەۋەتىن ارتتىرۋ, ۇلت دەنساۋلىعىن نىعايتۋ جانە ازاماتتاردى الەۋمەتتىك قولداۋ جۇيەسىن قايتا ىسكە قوسۋ بويىنشا كەشەندى شارالاردى جۇزەگە اسىرۋ ماسەلەلەرى جۇيەلى جالعاسىن تاپقانى ابزال.

جولداۋدا ايتىلعان بارلىق باستاما حالقىمىزدىڭ الەۋ­مەتتىك-ەكونوميكالىق ءال-اۋقاتىنا باعىتتالعانىن ايت­قىم كەلەدى. ەلىمىزدىڭ ءار تۇرعىنى جايلى ءومىر سۇرۋگە لايىقتى.

رابيعا بەركەنوۆا,

ش.مۇرتازا اتىنداعى حالىقارالىق تاراز يننوۆاتسيالىق ينستيتۋتى,

قازاق ءتىلى مەن ادەبيەتى كافەدراسىنىڭ مەڭگەرۋشىسى,

فيلولوگيا عىلىمدارىنىڭ كانديداتى